„საქართველოს თასი ლაშქრობაში“ ფინალური ეტაპი

20-21 აგვისტოს ბორჯომ-ხარაგაულის ტყე-პარკში გაიმართება სპორტისა და ახალგაზრდობის საქმეთა სამინისტროს პროექტის  „საქართველოს თასი ლაშქრობაში" ფინალური ეტაპი.

თასის ფინალურ ეტაპზე ერთმანეთს დაუპირისპირდებიან რეგიონალური გუნდები: ყვარელი; ბაღდათი; ასპინძა; წალკა; თიღვა; ყაზბეგი;ჩოხატაური; ხულო; ფოთი; ლენტეხი.  

პროექტმა სტარტი ივლისში აიღო და საერთო ჯამში 74 მუნიციპალიტეტის 370 მონაწილე გააერთიანა.

თასის გამარჯვებულების დაჯილდოება გაიმართება 15:00 საათზე, ბანაკის ტერიტორიაზე.

პროექტში მონაწილეობას იღებენ 18-დან 29 წლამდე ასაკის ახალგაზრდები საქართველოს ყველა მუნიციპალიტეტიდან (74მუნიციპალიტეტი/მერია). მონაწილეებს ადგილზე ჩაუტარდათ სპეციალური ინსტრუქტაჟი თამაშის სპეციფიკისა და პრინციპების შესახებ,ასევე, მიიღეს სასარგებლო ინფორმაცია ბუნებაში ორიენტირებისა და თვითგადარჩენის ხერხების შესახებ.  

პროექტის შესახებ:

პროექტი მოიცავს II ეტაპს. I ეტაპზე თითოეულ მუნიციპალიტეტში შეიქმნა 5 კაციანი მუნიციპალური გუნდები, რომლებიც შეეჯიბრებიანერთმანეთს საუკეთესო რეგიონული გუნდის გამოსავლენად. მე-2 ეტაპზე, ბორჯომ-ხარაგაულის ტყე-პარკში, ორი დღის განმავლობაშიგაიმართება 10 რეგიონული გუნდის შეჯიბრება და გამოვლინდება ერთი გამარჯვებული გუნდი, რომელსაც გადაეცემა სპეციალური პრიზი-  გარდამავალი ,,საქართველოს თასი ლაშქრობაში" და თითოეული მონაწილისათვის სამახსოვრო სერტიფიკატი.

საქართველოს სპორტისა და ახალგაზრდობის საქმეთა სამინისტრო  უზრუნველყოფს მონაწილეებს სატრენინგო მომსახურებით, ადგილზეკვებით, კარვებით, საძილე ტომრებით და ყველა სხვა საჭირო ინვენტარითა და აღჭურვილობით, ხოლო ,,საქართველოს მოლაშქრეთაეროვნული ფედერაცია" უზრუნველყოფს შეჯიბრების მოწყობასა და მონაწილეთა ინსტრუქტაჟს.