ბათუმის შოთა რუსთაველის სახელმწიფო უნივერსიტეტის 15 სტუდენტი საზაფხულო პრაქტიკას გერმანიაში გაივლის

ბათუმის შოთა რუსთაველის სახელმწიფო უნივერსიტეტის 15 სტუდენტი საზაფხულო პრაქტიკას გერმანიაში გაივლის.

მიმდინარე წლის 9 აგვისტოს აჭარის ა.რ განათლების, კულტურისა და სპორტის სამინისტროს საკონფერენციო დარბაზში ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს განათლების მინისტრმა გიორგი თავამაიშვილმა, მინისტრის მოადგილემ ნათია სირაბიძემ, სპორტისა და ახალგაზრდობის საქმეთა დეპარტამენტის უფროსმა მუხრან ვახტანგაძემ და ამავე დეპარტამენტის ახალგაზრდობის საქმეთა განყოფილების უფროსმა სულხან დუმბაძემ საზაფხულო პრაქტიკის გავლის მიზნით გერმანიაში გასამგზავრებელი ბილეთები გადასცეს.

აჭარის ა.რ სპორტისა და ახალგაზრდობის საქმეთა დეპარტამენტის პროგრამის „ახალგაზრდობის საქმეთა სფეროს ხელშეწყობის“ ფარგლებში გათვალისწინებული ღონისძიების „უცხოეთში სხვადასხვა ტრენინგ-სემინარებსა და კონფერენციებში მონაწილე სტუდენტ-ახალგაზრდების მხარდაჭერა“ -დეპარტამენტის მიერ შეძენილ იქნა ბათუმის შოთა რუსთაველის სახელმწიფო უნივერსიტეტის 15 სტუდენტის ავიაბილეთი გერმანიაში, კერძოდ კი ქ.ჰამბურგში საზაფხულო პრაქტიკის გავლის მიზნით.

სტუდენტები მიმდინარე წლის 10-აგვისტოდან 10 ოქტომბრამდე გაივლიან საზაფხულო პრაქტიკას ქ.ჰამბურგში. აღნიშნული საზაფხულო პრაქტიკა ორგანიზებულია გერმანიის შვერინის ბალტიკის კოლეჯის მიერ.