სემეკმა ქართლის ქარის ელექტროსადგურზე ელექტროენერგიის წარმოების წინასწარი ლიცენზია გასცა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ)  შპს „ქართლის ქარის ელექტროსადგურზე“ ელექტროენერგიის წარმოების წინასწარი ლიცენზია გასცა. აღნიშნულ საკითხზე კომისიამ 4 აგვისტოს საჯარო სხდომაზე იმსჯელა.

გადაწყვეტილების შესაბამისად, შპს „ ქართლის ქარის ელექტროსადგურზე“ ელექტროენერგიის წარმოების წინასწარი ლიცენზია რამდენიმე მოთხოვნის დაკმაყოფილების პირობით გაიცა. კერძოდ, 2016 წლის 30 სექტემბრამდე განისაზღვრა ელექტროსადგურზე მიმდინარე სამუშაოების დასრულებისა და ელექტროენერგიის გადაცემის ქსელთან მიერთების ვადები. გადაწყვეტილების მიხედვით, ელექტროსადგურის ექსპლუატაციაში გაშვება  2016 წლის 22 ნოემბრამდე მოხდება.

გორისა და ქარელის მუნიციპალიტეტების ტერიტორიაზე 20,7 მგვტ (6 აგრეგატი, თითოეულის დადგმული სიმძლავრე - 3,45 მგვტ) დადგმული სიმძლავრის  შპს „ქართლის ქარის ელექტროსადგურზე“ ელექტროენერგიის წარმოების წინასწარი ლიცენზიის გაცემის თაობაზე კომისიაში საჯარო ადმინისტრაციული წარმოება 2016 წლის 7 ივლისს დაიწო.

ელექტროსადგურის საპროექტო გამომუშავება შეადგენს 88 მლნ.კვტსთ-ს.