საქართველოს საერთაშორისო მოგზაურთა რაოდენობა 10.6%-ით გაიზარდა

საქართველო, თბილისი - 12:37 | 02.08.2016

ნანახია: 1395

საქართველოში საერთაშორისო მოგზაურთა რაოდენობამ 7 თვეში 3,400,335 შეადგინა, ზრდა წინა წლის ანალოგიურ პერიოდთან შედარებით 10.6%-ით მეტია, რაც უპრეცედენტოდ დიდი რაოდენობაა. ტურისტული ვიზიტების რაოდენობამ კი 1,401,914 შეადგინა, რაც 208,436-ით მეტია წინა წლის ანალოგიური პერიოდთან შედარებით (ზრდა+17.5%)

საერთაშორისო შემოსვლები ტიპების მიხედვით (2016 წლის იანვარი-ივლისი)

ვიზიტის ტიპი	2015: 7 თვე	2016: 7 თვე*	ცვლილება	ცვლილ. %
24 საათი და მეტი (ტურისტი)	1,193,478	1,401,914	208,436	17.5%
ტრანზიტი	719,611	672,317	-47,294	-6.6%
ერთდღიანი ვიზიტი	1,160,119	1,326,104	165,985	14.3%
სულ	3,073,208	3,400,335	327,127	10.6%

2016 წლის იანვარი - ივლისის პერიოდში ყველაზე მეტი ვიზიტი აზერბაიჯანიდან (+15.1%), თურქეთიდან (+1.6%), სომხეთიდან (-0.8%), რუსეთიდან (+10.3%) და უკრაინიდან (+24.3%) განხორციელდა.

პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ-ივლისში გამოირჩნენ სლოვაკეთი +32.8%, ლატვია +25.1%, უნგრეთი +21.4%, ჩეხეთი +19.5% და იტალია +16.5%. განსაკუთრებული ზრდა ფიქსირდება შემდეგი ქვეყნებიდან იორდანია (+472%), ირანი (+457%), პაკისტანი (+455%), ინდოეთი +(347%), შრი-ლანკა (+239%), სირია (+190%), ფილიპინები (+186), ეგვიპტე (+176%) და ომანი (+163%).

რეკორდული გამოდგა ივლისის თვეც, 2016 წლის ივლისის თვის მონაცემებით საქართველოს 764,022 საერთაშორისო მოგზაური ეწვია, რაც 26,124-ით მეტია წინა წლის ანალოგიურ პერიოდთან შედარებით (ზრდა +3.5%)-ია.

ივლისის თვის მაჩვენებლებით იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში 390,234 შეადგინა, რაც 53,368-ით მეტია 2015 წლის ივლისის მაჩვენებელზე (ზრდა +15.8%).

საერთაშორისო შემოსვლები ტიპების მიხედვით (2016 წლის ივლისი)

ვიზიტის ტიპი	2015: ივლისი	2016: ივლისი	ცვლილება	ცვლილება %
24 საათი და მეტი (ტურისტი)	336,866	390,234	53,368	15.8%
ტრანზიტი	182,693	150,571	-32,122	-17.6%
ერთდღიანი ვიზიტი	218,339	223,217	4,878	2.2%
სულ	737,898	764,022	26,124	3.5%

პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, ივლისში გამოირჩნენ: გერმანია +18%, ლიტვა +17%, საბერძნეთი +14% და გაერთიანებული სამეფო +12%. განსაკუთრებული ზრდა დაფიქსირდა შემდეგი ქვეყნებიდან ირანი +575%, სირია +453%, ინდოეთი +368%, ეგვიპტე +263% და საუდის არაბეთი +112%.

ტურიზმი, ეკონომიკის მნიშვნელოვანი სექტორი

2015 წლის ჯამური მონაცემებით შემოსავალი უცხოური ტურიზმიდან საქართველოში შეადგენდა 1.94 მილიარდ დოლარს (ზრდა +8.3), რაც 149 მილიონით მეტია წინა წლის ანალოგიურ მაჩვენებელზე.

2016 წლის პირველი კვარტლის მონაცემებით შემოსავალი უცხოური ტურიზმიდან საქართველოში შეადგენს 354.5 მილიონ დოლარს (ზრდა +15.7), რაც 48 მილიონით მეტია წინა წლის ანალოგიურ მაჩვენებელზე.

ტურიზმის წილი მთლიან შიდა პროდუქტში 2015 წლის ჯამური მონაცემებით შეადგენს 6.7%-ს. ზრდა წინა წელთან შედარებით +16.2%-ია.

2016 წლის პირველ კვარტალში კი წილმა მთლიან შიდა პროდუქტში 6.8% შეადგინა. ზრდა წინა წლის ანალოგიურ პერიოდთან შედარებით +11.5%.