7 ივლისს, ბათუმის საერთაშოიროს აეროპორტში, ავიაკომპანიამ “Air Arabia” -  დუბაი (შარჯა)-ბათუმი-დუბაის (შარჯა) მიმართულებით პირველი რეისი განახორციელა. პირდაპირი ფრენები კვირაში ორჯერ, ხუთშაბათს და შაბათს A-320 ტიპის ავიახომალდით შესრულდება. არაბული ავიაკომპანია დუბაი-ბათუმის მიმართულებით ავიარეისებს ზაფხულის სეზონზე, 7 ივლისიდან 30 სექტემბრის ჩათვლით განახორციელებს.

აღსანიშნავია, რომ “Air Arabia” 2016 წლის ზაფხულის სეზონზე,  დუბაი (შარჯა)-თბილისი-დუბაის (შარჯა) მიმართულებით, კვირაში ოთხჯერ ორშაბათს, ოთხშაბათს, პარასკევსა და შაბათს დაფრინავს. არაბული ავიაკომპანია თბილისის საერთაშორისო აეროპორტში რეისებს 2014 წლის ოქტომბრიდან ახორციელებს.

არაბთა გაერთიანებული საამიროების დაბალბიუჯეტიანი ავიაკომპანია „Air Arabia” 2003 წელს დაფუძნდა. ამჟამად, „Air Arabia” 26 ავიახომალდით, მსოფლიოს 100-ზე მეტი მიმართულებით დაფრინავს.