,,ახალგაზრდა იურისტთა ასოციაციის“ თავმჯდომარემ ანა ნაცვლიშვილი მიიჩნევს, რომ უზენაეს სასამართლოს აქვს შესაძლებლობა ,,რუსთავი 2“ - ის საქმის მიმართ აღდგეს ნდობა. მისი თქმით, სააპელაციო სასამართლოს დასაბუთებული განჩინების მხარეებისთვის ფოსტის საშუალებით გაგზავნის ფაქტი, კიდევ უფრო ამყარებს ეჭვებს ამ საქმის მიმართ.

 „თავისთავად ის, რომ როგორც პირველ ინსტანციაში, ასევე მეორე ინსტანციაში, კონკრეტული მოქმედების გამო გაჩნდა ძალიან სერიოზული ეჭვები "რუსთავი 2"-ის საქმესთან მიმართებაში, კიდევ უფრო მყარდება გუშინდელი მოქმედებით, რომელიც ცალსახად აჩქარებს პროცესს. რაც რჩება, ეს არის უზენაესი სასამართლოს მიერ ამ საკითხის განხილვა და მოლოდინი იმისა, რომ სასამართლო დაუშვებს ამ დავას და მიიღებს მას განსახილველად და მეორე, გააკეთებს ყველაფერს იმისათვის, რომ პროცესის მიმართ აღდგეს ნდობა,“- განაცხადა ანა ნაცვლიშვილმა.