მიმდინარე წლის აპრილში ნავთობის ექსპორტმა საუდის არაბეთიდან, რომელიც ნავთობის უმსხვილესი ექსპორტიორია მსოფლიოში, მიაღწია მინიმალურ მაჩვენებელს 2015 წლის ოქტომბრის თვიდან მოყოლებული, ნათქვამია სანავთობო სტატისტიკის საერთო ინიციატივის (JODI) მიერ გავრცელებულ რელიზში.

 ნავთობის მიწოდება მსოფლიო ბაზარზე დაეცა აპრილში 7,444 მილიონ ბარელამდე/დღეში წინა თვის 7,541 მლნ ბარელის მაჩვენებელთან შედარებით. ეს ყველაზე დაბალი მაჩვენებელია 2015 წლის ოქტომბრის შემდეგ, როდესაც მაჩვენებელმა შეადგინა 7,364 მლნ ბარელი/დღეში.

 JODI-ის მონაცემებით, ნავთობის ექსპორტი შეამცირა ასევე კატარმა მის მიერ არსებულ მონაცემებთან შედარებით (სტატისტიკას აწარმოებს 2002 წლიდან) მინიმალურ მაჩვენებლამდე. აპრილში კატარის ნავთობის ექსპორტმა შეადგინა 0,427 მლნ ბარელი/დღეში მარტის თვის 0,506 მლნ ბარელის მაჩვენებელთან შედარებით.

 აპრილში ნავთობის ექსპორტმა ქუვეითიდან შეადგინა 2,027 მლნ ბარელი/დღეში, რაც ასევე ყველაზე დაბალი მაჩვენებელია 2015 წლის ოქტომბრის თვის შემდეგ (1,905 მლნ ბარელი/დღეში).

 ერაყმა ნავთობის მოპოვება შეამცირა 3,364 მლნ ბარელამდე/დღეში წინა თვის 3,809 მლნ ბარელის მაჩვენებელთან შედარებით.