ერევანში მომიტინგეებმა რუსეთის საელჩოს შენობას კვერცხები დაუშინეს
ერევანში რუსეთის საელჩოსთან საპროტესტო აქცია გაიმართა. აქციის მონაწილეები აზერბაიჯანისთვის რუსეთის მიერ შეიარაღების მიწოდებას აპროტესტებდნენ.
”ინტერფაქსის” ინფორმაციით, ასობით მომიტინგე რუსეთს სტრატეგიული მოკავშირის მოვალეობების შესრულებისკენ, სომხეთის ეროვნული ინტერესებისა და უსაფრთხოების პატივისცემისა და აზერბაიჯანისთვის იარაღის მიყიდვაზე უარის თქმისკენ მოუწოდებდა.
მომიტინგეებმა საელჩოს შენობას კვერცხები და მონეტები დაუშინეს. საპროტსტო აქცია პოლიციასთან დაპირისპირებით დასრულდა.
