ნიუ-იორკის საცხოვრებელ კვარტალში მსუბუქძრავიანი თვითმფრინავი ჩამოვარდა. დაშავდა ორი ადამიანი. ადგილობრივი მედიის ინფორმაციით, თვითმფრინავი საფოლკის (ლონგ-აილენდი) ოლქში ერთ-ერთ ქუჩაზე ჩამოვარდა.

NBC New York-ის ცნობით, თვითმფრინავმა Piper 28 კატასტროფა აფრენისთანავე განიცადა. 34 წლის პილოტი საავადმყოფოში გადაიყვანეს, მან ფეხებისა და თავის სერიოზული ტრავმები მიიღო. დაშავდა 65 წლის მგზავრიც.

ვარდნისას თვითმფრინავი ხესა და ბოძს წამოედო და გზაჯვარედინზე დაეცა. როგორც გაირკვა, თვითმფრინავის ძრავი მწყრობრიდან გამოვიდა და პილოტმა აეროდრომზე დაბრუნება გადაწყვიტა, თუმცა ჩანაფიქრის შესრულება ვეღარ მოასწრო. ჩამოვარდნის შემდეგ თვითმფრინავს ცეცხლი გაუჩნდა. ჩამოვარდნისას მან ელქტროგადამცემი ხაზები დააზიანა და 250 საცხოვრებელი სახლი და ოფისი ელქტროენერგიის გარეშე დატოვა.