png.ge
png.ge
png.ge
16+
21 ნოემბერი, 2026, შაბათი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
21 ნოემბერი, 2026, შაბათი
png.ge

მელია ან ხელს მოაწერს მანიფესტს, რომელსაც მიხეილ სააკაშვილი გაავრცელებს, ან მოგვიწევს კონკრეტული გადაწყვეტილების მიღება - ლევან ხაბეიშვილი

  • კომენტარები
  • 20.11.2023
  • 14:45
მელია ან ხელს მოაწერს მანიფესტს, რომელსაც მიხეილ სააკაშვილი გაავრცელებს, ან მოგვიწევს კონკრეტული გადაწყვეტილების მიღება - ლევან ხაბეიშვილი

მელია ან მიიღებს გადაწყვეტილებას 23 ნოემბრამდე, მოაწერს მანიფესტს ხელს, ან მოგვიწევს კონკრეტული გადაწყვეტილების მიღება, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

მისი თქმით, ვისაც არ აინტერესებს "ნაციონალურ მოძრაობაში" ერთობა და ბიძინა ივანიშვილის წინააღმდეგ ბრძოლა, ისინი საკადრის პასუხს მიიღებენ. 

„ეს არის ჩვენი საერთო პოზიცია, შესაბამისად 23 ნოემბერს ძალიან ბევრი მნიშვნელოვანი საკითხი გახდება საჯარო, ამ კონკრეტულ ადამიანებთან, რომელზეც საუბარი იყო. არასდროს პრობლემა არ ყოფილა, ფაქტობრივად განსახილველიც არ ყოფილა, რომ ვინმესთან რაიმე პრობლემაა.

კონკრეტული ადამიანი, ვინც პრობლემას ქმნის, იმედია 23 ნოემბრამდე თავად მიიღებს გადაწყვეტილებას. არსებობს კონკრეტული მანიფესტი, რომელსაც პრეზიდენტი სააკაშვილი გაავრცელებს და კონკრეტული ადამიანები დარწმუნებული ვარ, რომ ამას ხელს მოაწერენ, ვინც არ მოაწერს ხელს და ვისაც არ აინტერესებს „ნაციონალურ მოძრაობაში“ ერთობა, ვისაც არ აინტერესებს ბიძინა ივანიშვილის წინააღმდეგ ბრძოლა, აქვს სხვა მიზნები და სხვა ამოცანები, ისინი მიიღებენ საკადრის პასუხს. „ნაციონალური მოძრაობა“ „სტრატეგია აღმაშენებელთან ერთად“, „გამარჯვების კოალიცია“ იბრძოლებს ბიძინა ივანიშვილის წინააღმდეგ.

მე დარწმუნებული ვარ, რომ კონკრეტული ადამიანები, ჩემი თანამებრძოლები, ვისთან ერთადაც ძალიან ბევრი მიბრძოლია და ამ ადამიანების მოფრთხილების გარდა არაფერი გაგვიკეთებია პარტიას, ისინი დღესაც არიან სხვათა შორის მოქმედი პოლიტსაბჭოს წევრები, როგორც პარლამენტის ყველა დეპუტატი არის დღეს პოლიტიკური საბჭოს წევრი. ჩვენ ყოველდღიური ურთიერთობა გვაქვს და ყველა განცხადება, რომელიც კეთდება „ნაციონალური მოძრაობის“ მხრიდან, ძალიან დიდი ნაწილი მათი შეთანხმებულია პრეზიდენტ სააკაშვილთან. ბევრჯერ მითქვამს მე პირადად, რომ ამ პარტიის ლიდერი არის პრეზიდენტი სააკაშვილი. ამ ადამიანმა დღეს კიდევ ერთხელ ხაზი გაუსვა, რომ მნიშვნელოვანია ერთობა, ჩვენც ამას ვსაუბრობთ ამ თვეების განმავლობაში. კონკრეტული დისკომფორტი თუ ვინმეს ჰქონდა და აქვს, დღეს პრეზიდენტმა სააკაშვილმა თქვა ღიად, რომ ის უხელმძღვანელებს მათ შორის პოლიტიკურ საბჭოში. კონკრეტულ ერთ ადამიანზე, ვისაც ამ თვეების განმავლობაში, ყბადაღებული თემა გახდა მისი ჭირ-ვარამი და მისი წუწუნი და ვერშეგუებლობა და ნაცვლად ხალხის პრობლემებზე საუბრისა, მხოლოდ მის პრობლემებს მოთქვამს, ეს კონკრეტული ადამიანი ან მიიღებს გადაწყვეტილებას 23 ნოემბრამდე, მოაწერს მანიფესტს ხელს, რომელსაც პრეზიდენტი სააკაშვილი აუცილებლად გაასაჯაროებს, ან მოგვიწევს ჩვენც კონკრეტული გადაწყვეტილების მიღება. ნიკა მელია პარტიაში, ფაქტობრივად, მისივე გადაწყვეტილებით არის გარიცხულიც და გარიყულიც. რაც შეეხება იურიდიულ პროცედურას, თუ მელია მოგვმართავს მის სტატუსთან დაკავშირებით, აუცილებლად ადეკვატურ პასუხს მიიღებს.

თუ მიიღო მანიფესტთან დაკავშირებით, რომ ხელს აწერს, მე არანაირი პრობლემა არ მაქვს, მობრძანდეს თუ ბიძინა ივანიშვილის წინააღმდეგ უნდა ბრძოლა. თუ სხვა მიზნები და ამოცანები აქვს, ის უკვე დიდი ხანია გარიცხულია, იურიდიულად მგლის ბილეთი, დააინტერესებს, მოგვწერს, გავცემთ შესაბამისს პასუხს.“ - განაცხადა ლევან ხაბეიშვილმა

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
  • 01:23
საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
  • 01:05
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
მარნეულში მეუღლის მიმართ ძალადობის,  მუქარისა და ადევნების ფაქტებზე ერთი პირი დააკავეს
  • 12:18
მარნეულში მეუღლის მიმართ ძალადობის, მუქარისა და ადევნების ფაქტებზე ერთი პირი დააკავეს
2026 წლის 22 ნოემბერი საქართველოში გლოვის დღედ გამოცხადდა
  • 12:05
2026 წლის 22 ნოემბერი საქართველოში გლოვის დღედ გამოცხადდა
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
  • 12:00
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
  • 11:57
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
  • 11:55
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge