ბოლო 1-2 კვირა რომ ავიღოთ, არცერთი დასახლებული პუნქტი არ აუღია უკრაინულ მხარეს და, მინიმუმ, ბოლო 1 კვირის განმავლობაში 10-მდე დასახლებული პუნქტი აიღო რუსულმა მხარემ, რაც აჩვენებს, რომ უპირატესობა, ამ ეტაპზე, აქვს რუსეთს, - ამის შესახებ "ქართული ოცნების თავმჯდომარე", ირაკლი კობახიძემ განაცხადა.

"ეს ფაქტობრივი მოცემულობაა, რასაც უკრაინის ხელისუფლების წარმომადგენლებიც ადასტურებენ და ასევე უცხოელი წარმომადგენლები ევროპიდან და აშშ-დან. მაგალითად, ბოლო 1-2 კვირა რომ ავიღოთ, არცერთი დასახლებული პუნქტი არ აუღია უკრაინულ მხარეს და, მინიმუმ, ბოლო 1 კვირის განმავლობაში 10-მდე დასახლებული პუნქტი აიღო რუსულმა მხარემ, რაც აჩვენებს, რომ უპირატესობა, ამ ეტაპზე, აქვს რუსულ მხარეს.

საერთო ჯამშიც, ომის დაწყებამდე, რუსეთს ჰქონდა ოკუპირებული ყირიმი და დონბასის გარკვეული ნაწილი. დღეს რუსეთს აქვს ოკუპირებული ხერსონის 80% და ხარკოვის ოლქის ნწილი, ზაპოროჟიეს ოლქის 80%. საერთო ჯამში, უპირატესობა აქვს რუსეთს, ეს არის დღევანდელი მოცემულობა", - თქვა კობახიძემ.

გუშინ პირველი არხის ეთერში კობახიძემ განაცხადა, რომ იქიდან გამომდინარე, რომ უკრანაში გარკვეული უპირატესობა აქვს რუსულ მხარეს, საქართველოს ომში ჩართვის მიმართ ინტერესი გაზრდილია.