რუსეთის პრეზიდენტის ვლადიმირ პუტინის განცხადებით, რუსეთმა უკრაინის წინააღმდეგ ომი დონბასში ომის დასრულებისთვის დაიწყო.  

„ყველაფერი, რასაც ჩვენ დღს ვაკეთებთ, მათ შორის სპეციალური სამხედრო ოპერაცია, ეს არის ამ ომის დასრულების მცდელობა“, - განაცხადა პუტინმა.

მისი თქმით, უკრაინა ტრაგედიისკენ გზას ჯერ კიდევ 2014 წელს დაადგა, როდესაც ქვეყანაში „ანტიკონსიტუციური, სახელმწიფო შეიარაღებული გადატრიალება მოხდა“.

მან ისევ გაიმეორა, რომ დონბასი „ძირძველი“ რუსული მიწაა. პუტინის თქმით, რუსეთი შეურიგდა მის დაკარგვას უკრაინის სასარგებლოდ, მაგრამ იქ მცხოვრები „თავისი ხალხის შეურაცხყოფას“ ვერ შეურიგდება.

პუტინმა მორიგ ჯერზე განაცხადა, რომ კიევმა დაიწყო ხალხის „განადგურება“ რუსული კულტურისადმი მხოლოდ მათი კუთვნილებისა და რუსულ ენაზე ლაპარაკის სურვილის გამო.