უკრაინის შს მინისტრი და მისი მოადგილე ავიაკატასტროფაში დაიღუპნენ
უკრაინის ქალაქ ბროვარში ვერტმფრენის კატასტროფის შედეგად დაღუპულთა შორის უკრაინის შინაგან საქმეთა მინისტრი დენის მონასტირსკი, მისი პირველი მოადგილე ევგენი ენინი და სამინისტროს სახელმწიფო მდივანი იური ლუბკოვიჩიც არიან. ინფორმაციას უკრაინული მედია ავრცელებს.
საერთო ჯამში, დაღუპულია 16 ადამიანი, აქედან ცხრა პირი ვერტმფრენის ბორტზე იმყოფებოდა, კიდევ შვიდი პირი კი – საბავშვო ბაღის ტერიტორიაზე, სადაც ვერტმფრენი ჩამოვარდა.
დაღუპულთა შორის ორი მცირეწლოვანია. ასევე დაშავდა 22 ადამიანი, მათ შორის 10 ბავშვი.
