png.ge
png.ge
png.ge
16+
21 ნოემბერი, 2026, შაბათი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
21 ნოემბერი, 2026, შაბათი
png.ge

იომე, მაგრამ პოლიტიკური განცხადებების კეთება ფრონტიდან, არ ვიცი, რა სტილია - ღარიბაშვილი

  • კომენტარები
  • 07.12.2022
  • 18:14
იომე, მაგრამ პოლიტიკური განცხადებების კეთება ფრონტიდან, არ ვიცი, რა სტილია - ღარიბაშვილი

იომე, მაგრამ ეს პარტიული ჩართვები და პოლიტიკური განცხადებების კეთება ომის ფრონტიდან, არ ვიცი, რა სტილია. ეს არის ფაქტი. არიან ადამიანები, რომლებიც თავიანთი მრწამსით წავიდნენ, მინდა, ყველა ჩვენს მოქალაქეს, ვინც უკრაინაშია, განურჩევლად მათი პოლიტიკური შეხედულებისა, ვუსურვო ჯანმრთელად და მშვიდობიანად დაბრუნება, - ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.

„ვინც მიცნობს, იცის ჩემი დამოკიდებულება ფორმიანების მიმართ. ვიყავი შინაგან საქმეთა მინისტრი, თავდაცვის მინისტრი, პრემიერ-მინისტრი ვარ მეორედ. ჩემი დამოკიდებულება, ყურადღება, პატივისცემა ყველასთვის ცნობილია, როგორც მოქმედი, ისე ყოფილი სამხედროებისა და ვეტერანებისადმი, ასევე ჩვენი გმირი სამხედროების ოჯახების მიმართ. ჩემი ნათქვამი იქნა არასწორად გაგებული, თითქოს მე ყველა იმ ადამიანს, რომლებიც უკრაინაში დღეს ომობენ, ვუწოდე „ნაციონალური მოძრაობის“ წევრები, დიდი სიცრუეა ეს. მე ვთქვი შემდეგი: ჩვენ, ყველამ, კარგად ვიცით, რომ ამ ბოლო ორი დღის განმავლობაში მედიის საშუალებით დასახელებული იქნა კონკრეტული გვარები, რომლებიც პირდაპირ არიან დაკავშირებულნი „ნაციონალურ მოძრაობასთან“, სააკაშვილთან. არიან ადამიანები, ყოფილი სამხედროები, პოლიციელები, შეიძლება, უბრალოდ, მოქალაქეები, რომლებიც თავიანთი მრწამსით, სულისკვეთებით, იდეალისტური დამოკიდებულებით წავიდნენ და ომობენ. ეს მათი გადაწყვეტილებაა. მე მათზე არ მითქვამს, რომ ყველა ამ ადამიანის წაყვანა ორგანიზებულია ომის პარტიის მიერ. მე ვთქვი, რომ უნდა გაიმიჯნოს. არის კატეგორია ადამიანების, შეიძლება, რამდენიმე ათეული იყოს, რომელთა წაყვანა ორგანიზებულია სააკაშვილის, ომის პარტიის, იმ პარტიის მიერ, რომელმაც ჩვენი ტერიტორიები ჩააბარა და დაკარგა, ომის შემდეგ კი გადასცა სტრატეგიული ობიექტები“, – განაცხადა ღარიბაშვილმა.

პრემიერ-მინისტრმა უკრაინაში, ომში წასულ საქართველოს ყველა მოქალაქეს მშვიდობიანად დაბრუნება უსურვა.

„მე ვთქვი, რომ ეს ადამიანები დღესაც არიან პარტიის მოქმედი წევრები, მაგალითად, მამულაშვილი, რომელიც არის სააკაშვილის ძალიან დიდი მხარდამჭერი, რომელიც არის „ქართული ლეგიონის“ ხელმძღვანელი. მისი და იყო „ნაცმოძრაობიდან“ პარლამენტის წევრი, ეს ადამიანი ერთვება საერთაშორისო კონფერენციებში, ამბობს, რომ იქ ომობს და ა.შ. მე ასე მესმის – თუ ადამიანი ომობს, მინდა, მივმართო მისნაირებს, პოლიტიკურად ანგაჟირებულებს, ღმერთმა მოგცეს საშუალება, იომე, მაგრამ ეს პარტიული ჩართვები და პოლიტიკური განცხადებების კეთება ომის ფრონტიდან, არ ვიცი, რა სტილია. ეს არის ფაქტი. არიან ადამიანები, რომლებიც თავიანთი მრწამსით წავიდნენ, მინდა, ყველა ჩვენს მოქალაქეს, ვინც უკრაინაშია, განურჩევლად მათი პოლიტიკური შეხედულებისა, ვუსურვო ჯანმრთელად და მშვიდობიანად დაბრუნება“, – განაცხადა პრემიერმა.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
  • 01:23
საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
  • 01:05
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
მარნეულში მეუღლის მიმართ ძალადობის,  მუქარისა და ადევნების ფაქტებზე ერთი პირი დააკავეს
  • 12:18
მარნეულში მეუღლის მიმართ ძალადობის, მუქარისა და ადევნების ფაქტებზე ერთი პირი დააკავეს
2026 წლის 22 ნოემბერი საქართველოში გლოვის დღედ გამოცხადდა
  • 12:05
2026 წლის 22 ნოემბერი საქართველოში გლოვის დღედ გამოცხადდა
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
  • 12:00
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
  • 11:57
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
  • 11:55
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge