ბიძინა ივანიშვილი საქართველოსთვის არის საქმის მკეთებელი კაცი, რომელმაც გადაარჩინა არაერთი დარგი, - ამის შესახებ კულტურის მინისტრმა, თეა წულუკიანმა, ტელეკომპანია იმედის ეთერში განაცხადა.

მისი თქმით, ნებისმიერი ხელისუფლების დროს ბიძინა ივანიშვილი ეხმარებოდა ქართულ საქმეს, განურჩევლად იმისა, ვინ იყო ხელისუფლებაში.

„როდესაც მიხვდა, რომ „ნაციონალური მოძრაობა“ უკვე ხალხის წინააღმდეგ მუშაობდა, მან ეს დახმარება შეწყვიტა. საყოველთაოდ ცნობილი ფაქტებია, მაგრამ გააგრძელა ძეგლების გადარჩენა, თეატრების აღდგენა, სპორტის დახმარება და ახლა უკვე კულტურისა და სპორტის მინისტრის რანგში შემიძლია სხვა ჭრილში შევაფასო ის დიდი საქმეები, რაც მას აქვს ნაკეთები და ეს არის ძალიან დიდი საქმე, რასაც სახელმწიფო თავისი სახსრებით კიდევ 30 და 40 წელი ვერ გააკეთებდა. აი, ეს არის ბიძინა ივანიშვილი და ასეთი ივანიშვილი ვიღაცას უშლის ხელს, სულ ეს ხდება, თორემ ბიძინა ივანიშვილს რომ მთავრობაზე, სპორტის მინისტრზე ან კიდევ პრემიერზე აქვს გავლენა, ეს არის გამოგონილი“, - განაცხადა თეა წულუკიანმა.