"ქართული ოცნების" დეპუტატის პაატა კვიჟინაძის მტკიცებით, საქართველოს "პრემიერ-მინისტრი არის ძალიან კარგი პრემიერ-მინისტრი". ამის შესახებ კვიჟინაძემ ტელეარხ "ფორმულის" ჟურნალისტთან განაცხადა სალომე ზურაბიშვილის განცხადებასთან დაკავშირებით, რომელიც საპარლამენტო უმრავლესობის მიერ კონსტიტუციის 78-ე მუხლის დარღვევას შეეხებოდა.

"თქვენ გულისხმობთ,პრემიერ-მინისტრი არის ძალიან კარგი პრემიერ-მინისტრი რომ ამდენი ხანია, რომ ვითხოვთ, რომ ევროკავშირში მიგვიღონ და როგორც იქნა ევროკავშირმა პირველად მთელ ისტორიაში თქვა, რომ კი, თქვენ გაქვთ ევროპული პერსპექტივა, ეს არის გადახვევა?..

მე ვთვლი, რომ პრემიერმინისტრი არის ძალიან კარგი პრემიერმინისტრი. მე არ ვიცი, არ მომისმენია, რა თქვა ქალბატონმა სალომემ, მე რაც მკითხეთ, გითხარით. მისი მოსაზრებები, ასე არის თუ არ არის ასე, ეს მას უნდა ჰკითხოთ", - თქვა კვიჟინაძემ.

შეგახსენებთ, "პირველ არხთან" ინტერვიუს დროს, საქართველოს პრეზიდენტმა სალომე ზურაბიშვილმა საპარლამენტო უმრავლესობა კონსტიტუციის 78-ე მუხლის დარღვევაში დაადანაშაულა. ზურაბიშვილის თქმით, "როდესაც ყველაფერს აკეთებ იმისთვის, რომ არ მოხდეს ევროინტეგრაცია, ეს არის კონსტიტუციის დარღვევა".

საქართველოს კონსტიტუციის 78-ე, მუხლი - "კონსტიტუციურმა ორგანოებმა თავიანთი უფლებამოსილების ფარგლებში მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად".