სცენაზე ვინც იდგა, ყველა იყო აბსოლუტურად უსამშობლო და უღმერთო, - ამბობს ქართული ოცნების თავმჯდომარე ირაკლი კობახიძე "შინ ევროპისკენ" გამართულ აქციებთან დაკავშირებით.

"სხვათა შორის ერთ ევროპარლამენტარს მაიკლ გალერს წამოსცდა, რომ თუ ივანიშვილი პატრიოტია, ქვეყნიდან წავიდოდაო. ანუ, ნახეთ როგორ ესმით პატრიოტიზმი, ანუ პატრიოტი არის კაცი, რომელიც ქვეყანას ტოვებს. არც ნოსტალგია გაუგიათ, არც რაიმე მსგავსი ფენომენი გაუგიათ. ამ ადამიანებისთვის პატრიოტი ქვეყნიდან უნდა წავიდეს და უსამშობლო ადამიანებს უნდა ჩაბარდეთ ქვეყანა, ხომ? სცენაზე ვინც იდგა იმ აქციებზე, ყველა იყო აბსოლუტურად უსამშობლო და უღმერთო იმ გაგებით, რომ რწმენა არ აქვთ არანაირი. მათი უფლებაა, მაგრამ რეალურად ასეთი ადამიანები იდგნენ სცენაზე", - თქვა კობახიძემ.