სამგორის რაიონის გამგებელი, კახა სამხარაძე "მთავარ არხთან" საუბარში განმარტავს, რომ სიტყვა "ს*რი", რომლითაც მან 20 ივნისის აქციის მონაწილეები მოიხსენია, "სულხან-საბა ორბელიანის ლექსიკონის თანახმად ჩიტს ნიშნავს".

"ჩემი ფეისბუკი არის ჩემი პირადი გვერდი, ეს არ აღნიშნავს არც საზოგადოებრივ და არც პოლიტიკურ აზრს - ეს არის გათვლილი ჩემს მეგობრებზე... არ იყო საჯარო, ჩემი ფეისბუჯკგუფი არის დახურული, ვინ გახსნა, როდის გახსნა, მე არ ვიცი... ის სიტყვა, რომელზედაც თქვენ მთელი ამბავი ატეხეთ... სულხან-საბა ორბელიანის განმარტებით ლექსიკონში ეგ ნიშნავს ჩიტს - ეგ სიტყვა, რომელზეც ატეხეთ ამბავი...", - ამბობს სამგორის რაიონის გამგებელი.

შეგახსენებთ, სამგორის რაიონის გამგებელმა, კახა სამხარაძემ სოციალურ ქსელში პოსტი გამოაქვეყნა, სადაც 20 ივნისს პარლამენტის შენობის წინ ევროინტეგრაციის მხარდამჭერ აქციაზე შეკრებილებს აგინა.

"მე არ ვიცი, ვინ როგორ მოიქცა, მაგრამ დღეს იქ ვინც მივიდა, მე ისევ ვიმეორებ, ჩემს თაობას ვეუბნები, მაგარი სი*ები ხართ, ქვეყნის მტრები ხართ და ვისაც გინდათ პასუხი პირადად გამცეთ, მზად ვარ ნებისმიერ დროს და ნებისმიერ ადგილზე შევხვდეთ", - წერია კახა სამხარაძის სახელით გავრცელებულ პოსტში.

ამ დროისთვის, ეს პოსტი მის ფეისბუკგვერდზე აღარ იძებნება.

თბილისის მერის კახა კალაძის განცადებით, გამგებლის პოსტის შინაარსი გამოხატვის თავისუფლების ჩარჩოში ჯდება.