საქართველოს პრემიერ-მინისტრმა ირაკლი ღარიბაშვილმა პრეზიდენტი სალომე ზურაბიშვილის მისი განცხადების გამო გააკრიტიკა.

ღარიბაშვილის თქმით, პრეზიდენტი იმეორებს "ქვეყნის მტრების განცხადებებს.

"სამწუხაროა ის, რომ საერთოდ პირდაპირ იმეორებს ქალბატონი სალომე ამ დესტრუქციული, მავნებელი ოპოზიციის, ქვეყნის მტრების განცხადებებს და მათ ნარატივში ჩაჯდა, რაც ძალიან სამწუხაროა. იმედი მაქვს, რომ იგი გარკვევა უკეთ მთავრობის მუშაობაში", - განაცხადა ირაკლი ღარიბაშვილმა.

გუშინ, სალომე ზურაბიშვილმა ბრიუსელიდან განცხადება გააკეთა, სადაც ევროპარლამენტის რეზოლუციასა და მასთან დაკავშირებით მმართველი გუნდის კომენტარებზე ისაუბრა. პრეზიდენტის თქმით, მას "არ შეუძლია მარტომ გადაარჩინოს მთლიანად მთავრობის უმოქმედობა".

ამავდროულად, სალომე ზურაბიშვილმა განაცხადა, რომ მთავრობამ ბერლინში, პარიზში, ვარშავასა და კიევში ვიზიტის გამართვის უფლება არ მისცა.