ევროპარლამენტის პოლიტიკური ჯგუფების ლიდერებმა გამოაქვეყნეს ერთობლივი განცხადება, რომელიც საქართველოსთვის, უკრაინისა და მოლდოვისთვის ევროკავშირის წევრობის კანდიდატის სტატუსის მინიჭებას შეეხება.

პოლიტიკური ჯგუფების ლიდერები მოუწოდებენ ევროკავშირის სახელმწიფო და მთავრობების მეთაურებს, რომლებიც 23-24 ივნისს იკრიბებიან, "მიიღონ გადაწყვეტილება უკრაინის, მოლდოვის რესპუბლიკისა და საქართველოს განაცხადზე კანდიდატის სტატუსთან დაკავშირებით".

"ევროკავშირმა უნდა გამოიჩინოს სიმამაცე, სიმტკიცე და შორსმჭვრეტელობა დღევანდელ კონტექსში ჩვენი ევროპელი მეზობელი უკრაინის წინააღმდეგ სასტიკი აგრესიული ომის პირობებში", - აღნიშნულია განცხადებაში.

დოკუმენტში ხაზგასმულია, რომ ევროკავშირი უნდა იყო სანდო პარტნიორი, რომელიც გამოხატავს სოლიდარობას მათ მიმართ, ვინც იცავს თავის პრინციპებსა და ღირებულებებს და მხარს უჭერს იგივე იდეალებს.

"უკრაინის მოქალაქეები, რომლებიც ისწრაფვიან იცხოვრონ თავისუფალ, დემოკრატიულ და აყვავებულ ქვეყანაში, წარმოადგენენ ევროპული ოჯახის ამაყ და ერთგულ წევრებს. ჩვენ ვაღიარებთ, რომ ამ მისწრაფებებს იზიარებს საქართველოსა და მოლდოვის ხალხი, ასევე დასავლეთ ბალკანეთის ქვეყნები, რომელთა მოლოდინები არ უნდა იყოს უგულებელყოფილი", - აღნიშავენ პოლიტიკური ჯგუფების ლიდერები.

"ამიტომ ჩვენ მტკიცედ მოგიწოდებთ მიანიჭოთ უკრაინასა და მოლდოვის რესპუბლიკას ევროკავშირში წვერობის კანდიდატის სტატუსი, ევროკავშირის შესახებ ხელშეკრულების 49-ე მუხლის შესაბამისად, როგორც დამსახურებაზე დაფუძნებული პროცესის დასაწყისს. ასევე იმუშაოთ ამავე სტატუსის მინიჭებაზე საქართველოსთვის, რათა ხორცი შეესხას ქართველი ხალხის ლეგიტიმურ მისწრაფებებს", - აღნიშნულია განცხადებაში.