მიხეილ სააკაშვილი შავ შოკოლადს მიირთმევს, ბანანს თუ ჩაქაფულთან აქვს განზიდვა, ამ ყველაფრით ქართული საზოგადოება დაიღალა, - ამის შესახებ ამის შესახებ საპარლამენტო უმრავლესობის წევრმა, ალუდა ღუდუშაურმა ჟურნალისტებს განუცხადა.

ღუდუშაურის თქმით, სააკაშვილმა სასჯელის მოხადა უნდა გააგრძელოს კანონმდებლობის შესაბამისად.

„ჩვენ გვაქვს კონსტიტუცია და კანონმდებლობა, რომლის წინაშე დამორჩილება და ქედის მოდრეკა ყველას მოუწევს. მსჯავრდებულ სააკაშვილს უნდა უთხრან, რომ ყველანაირი საკვების მიღება გააგრძელოს და კანონმდებლობას დაემორჩილოს, რაც მისთვისვე იქნება უკეთესი. ამიტომ, ნებისმიერი მიკერძოებული პირის მიერ, „ემპათია“ იქნება თუ „ემპათია პლიუსი“, არანაირი მნიშვნელობა არ აქვს, ვერც ერთ შემთხვევაში ვერ დაიძლევა კანონმდებლობის მოთხოვნა, შესაბამისად, სააკაშვილს მოუწევს იმდენი წლით ქართულ ციხეში ყოფნა, რამდენიც აქვს მისჯილი. ვისი დასკვნაც არ უნდა იყოს, ქვეყანაში არსებობს კანონმდებლობა და ჯანდაცვის სისტემა. საზოგადოებას შეურაცხყოფას ნუ მიაყენებენ, რადგან ქართველ ხალხს კარგად ახსოვს ციხეებში დატრიალებული „ბართლომეს ღამეები“ და როგორ უწყობდნენ მოსახლეობას ჯოჯოხეთს. მიხეილ სააკაშვილი შავ შოკოლადს მიირთმევს, ბანანს თუ ჩაქაფულთან აქვს განზიდვა, ამ ყველაფრით ქართული საზოგადოება დაიღალა. სააკაშვილმა სასჯელის მოხდა უნდა გააგრძელოს კანონმდებლობის შესაბამისად“, – განაცხადა ღუდუშაურმა.