თქვენ, როგორც იუსტიციის მინისტრი, გახდით პოლიტიკურად მოტივირებული მართლმსაჯულების და საქართველოს მესამე პრეზიდენტის მიმართ ღირსებაშემლახველი მოპყრობის ერთ-ერთი თანამონაწილე,, - ამის შესახებ „ნაციონალურმა მოძრაობის“ წევრმა, ხატია დეკანოიძემ პარლამენტში განაცხადა, სადაც ინტერპელაციის წესით იუსტიციის მინისტრს რატი ბრეგაძეს უსმენენ.

"ღირსებაშემლახავი მოპყრობა, რომელიც ჩვენ ვიხილეთ, რეალურად, იყო ქვეყნისთვის დამამცირებელი მაშინ, როდესაც თქვენ, იუსტიციის სამინისტრომ გამოაქვეყნეთ კადრები, რომელმაც მოიარა მთელი მსოფლიო და ამ კადრებს ძალიან სერიოზული გამოხმაურება მოჰყვა მთელ მსოფლიოში.

აბა, წარმოიდგინეთ, საქართველოს სახელმწიფომ, რომელსაც აქვს პრეტენზია და გვაქვს პრეტენზია, რომ მივიღებთ კანდიდატის სტატუსს, გვინდა ევროკავშირის წევრობა, ამ დროს აქვეყნებთ კადრებს, რომელიც რეალურად უთითებს, რომ საქართველოს მესამე პრეზიდენტს ასე იმიტომ ექცევით, რომ პოლიტიკურად მოტივირებული მართლმსაჯულების ნაწილი ხართ. ამის შემდეგ თქვენ დაარღვიეთ პატიმრის შესახებ, პაციენტის შესახებ კანონი.

ასევე, თქვენ დაარღვიეთ პერსონალური მონაცემების შესახებ ინფორმაცია და გამოაქვეყნეთ კადრები, გააუქმეთ სახელმწიფო ინსპექტორის სამსახური. სახალხო დამცველის არც ერთი რეკომენდაცია არ გაითვალისწინეთ და სამწუხაროდ, თქვენ, როგორც იუსტიციის მინისტრი, გახდით პოლიტიკურად მოტივირებული მართლმსაჯულების და საქართველოს მესამე პრეზიდენტის მიმართ ღირსებაშემლახველი მოპყრობის ერთ-ერთი თანამონაწილე, თანაავტორი. როგორ ეპყრობით საქართველოს მესამე პრეზიდენტს და წარმომიდგენია, რა მდგომარეობაში არიან სხვა პატიმრები სასჯელაღსრულების დაწესებულებებში“, – განაცხადა ხატია დეკანოიძემ.