„აზოვის“ პოლკმა „აზოვსტალის“ ტერიტორიიდან მშვიდობიანი მოქალაქეების ევაკუაციის უნიკალური კადრები გაავრცელა.

დღეს, უკრაინის პრეზიდენტმა ვოლოდიმირ ზელენსკიმ  „აზოვსტალიდან“ მშვიდობიანი მოქალაქეების ევაკუაცია დაადასტურა. მისი თქმით, 100-მდე ადამიანის პირველი ჯგუფი უკვე უკრაინის ხელისუფლების კონტროლირებადი ტერიტორიისკენ მიემართება. 

„ვერხოვნა რადას“ ფრაქცია „ხალხის მსახურის“ თავმჯდომარის დავით არახამიას განცხადებით, ევაკუაცია გაგრძელდება, მანამდე, ვიდრე ყველას არ გადაარჩენენ.

„ეს შესაძლებელი გახდა ვოლოდიმირ ზელენსკისა და პრეზიდენტის ოფისის შეთანხმებული მუშაობის შედეგად, რომელსაც კოორდინაციას უწევდა ანდეი ერმაკი. მუშაობის მნიშვნელოვანი ნაწილი შეასრულა დენის პროკოპენკომ და „აზოვის“ პოლკმა“, თავდაცვის სამინისტროს დაზვერვის მთავარმა სამმართველომ, დროებით ოკუპირებული ტერიტორიების რეინტეგრაციის სამინისტრომ და ირინა ვერეშჩუკმა. მადლობა გაეროსა და წთელი ჯვრის საერთაშორისო კომიტეტს მხადაჭერისთვის. ბევრი ადამიანი მუშაობდა იმისთვის, რომ ეს შესაძლებელი გამხდარიყო. მუშაობა გაგრძელდება მანამდე, ვიდრე ჩვენს ხალხს არ გადავარჩენთ“,  - განაცხადა არახამიამ.