png.ge
png.ge
png.ge
16+
21 ნოემბერი, 2026, შაბათი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
21 ნოემბერი, 2026, შაბათი
png.ge

სახალხო დამცველი სხვა პატიმრების ჯანმრთელობის მდგომარეობაზე რატომ არ საუბრობს, იქნებ სხვა პატიმრის განკურნებაც სახლში უფრო ადვილი იქნებოდა, ოჯახურ გარემოში, რატომ გამოვარჩევთ ერთ პატიმარს განსაკუთრებით - პაპუაშვილი

  • კომენტარები
  • 29.04.2022
  • 11:06
სახალხო დამცველი სხვა პატიმრების ჯანმრთელობის მდგომარეობაზე რატომ არ საუბრობს, იქნებ სხვა პატიმრის განკურნებაც სახლში უფრო ადვილი იქნებოდა, ოჯახურ გარემოში, რატომ გამოვარჩევთ ერთ პატიმარს განსაკუთრებით - პაპუაშვილი

ამ კონსილიუმის დასკვნითაც, ძირითადი საკითხი რომ გამოვყოთ, მიხეილ სააკაშვილს ესაჭიროება ფსიქოლოგის, თუ ფსიქიატრის დახმარება და ის ამ დახმარებაზე უარს ამბობს, – განაცხადა პარლამენტის თავმჯდომარემ, შალვა პაპუაშვილმა საქართველოს პირველი არხის გადაცემაში „დღის თემა“ სტუმრობისას.

„აქ საკითხი იმაშია, ხდება თუ არა სათანადო სამედიცინო სერვისის მიწოდება. მიწოდება ხდება და კონსილიუმის დასკვნაში ითქვა კიდეც, რომ ის არ იღებს ამ შეთავაზებას. სხვანაირად და უფრო გასაგებად რომ ვთქვათ, შეიძლება, ადამიანს სჭირდებოდეს წამალი და მას ამ წამალს აწვდიან, მაგრამ ის არ სვამს“, – განაცხადა პაპუაშვილმა.

მისი თქმით, ეს კონსილიუმი, სახალხო დამცველი, არასამთავრობო ორგანიზაციები, მისი პარტია და ოჯახი დაკავებული უნდა იყვნენ მიხეილ სააკაშვილის დარწმუნებით, რომ მან უარი არ თქვას შეთავაზებულ სამედიცინო სერვისზე, ნაცვლად იმისა, რომ პატიმრის მხრიდან სამედიცინო სერვისის მიღებაზე უარის თქმა წახალისდეს.

გადაცემის წამყვანის შეკითხვაზე, როგორ უნდა მოგვარდეს პრობლემა, თუ ისინი პატიმარს სამედიცინო სერვისის მიღების აუცილებლობაში ვერ არწმუნებენ და არის თუ არა გამოსავალი მიხეილ სააკაშვილის საზღვარგარეთ სამკურნალოდ წაყვანა, შალვა პაპუაშვილმა განაცხადა, რომ ეს არის მაგალითი, რამხელა დეზინფორმაციულ აბსურდში გვამყოფებს გარკვეული პარტია და ორგანიზაციები.

„ადამიანმა ჩაიდინა დანაშაული, რის გამოც მიესაჯა სასჯელი, ის ამ სასჯელს იხდის ციხეში, მაგრამ ციხეში ყოფნა არ უნდა, რადგან არ ეკომფორტულება, ამის გამო ამბობს, მე აქ სტრესი მაქვსო, ითხოვს ციხიდან გასვლას და ამის გამო უნდა გავიდეს?! აი, ეს არის უმარტივესად ახსნილი ის აბსურდი, რომელშიც გვამყოფებენ გარკვეული ორგანიზაციები, პარტიები და ა.შ“, – განაცხადა პაპუაშვილმა.

თამთა სანიკიძის შეკითხვაზე, ისმის თუ არა კითხვები მიხეილ სააკაშვილის ჯანმრთელობასთან დაკავშირებით საერთაშორისო პარტნიორების მხრიდან, პარლამენტის თავმჯდომარემ აღნიშნა, რომ რა თქმა უნდა, მიხეილ სააკაშვილის ჯანმრთელობის მდგომარეობას ყველა აკვირდება, მაგრამ აბსურდია ის, რომ ეს ადამიანი არ იღებს შეთავაზებულ სამედიცინო სერვისს და ჯანმრთელობის რისკს თავის თავს თვითონ უქმნის.

„არ იღებს იმიტომ, რომ ამბობს, რომ დისკომფორტს გრძნობს ციხეში ყოფნის გამო. მოკლედ, ადამიანს არ სურს ციხეში ყოფნა. გვესმის, რომ არავის არ სურს ციხეში ყოფნა, მაგრამ ცხოვრება ასეა მოწყობილი, რომ თუ ადამიანი დანაშაულს ჩაიდენს, მას შესაბამისი სასჯელის მოხდა უწევს. ასე არის ცხოვრება აწყობილი, კანონი მკაცრია, მაგრამ ის კანონია“, – განაცხადა პაპუაშვილმა.

როგორც პარლამენტის თავმჯდომარემ აღნიშნა, ერთი ადამიანის გამორჩევა სწორი არ არის, მათ შორის, ომბუდსმენის მხრიდან.

„როგორ ფიქრობს, სხვა პატიმრებს როგორ აქვთ ჯანმრთელობის მდგომარეობა, რა შესაძლებლობები არის მათ შორის, სამედიცინო კუთხით და ამაზე რატომ არ საუბრობს?! X პატიმარზე რომ ვთქვათ, მისი განკურნება სახლში უფრო ადვილი იქნებოდა, ოჯახურ გარემოში, სადაც ის ემოციურად დამშვიდებული იქნებოდა, თუ ციხის გარემოში? ყველა სხვა პატიმრის შემთხვევაშიც ასე შეიძლება, ითქვას და რატომ გამოვარჩევთ ერთ პატიმარს განსაკუთრებით“, – განაცხადა შალვა პაპუაშვილმა.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
  • 01:23
საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
  • 01:05
PSP-ში 80%-მდე ფასდაკლებების ცვენა დაიწყო — დააცარიელეთ სურვილების სია
მარნეულში მეუღლის მიმართ ძალადობის,  მუქარისა და ადევნების ფაქტებზე ერთი პირი დააკავეს
  • 12:18
მარნეულში მეუღლის მიმართ ძალადობის, მუქარისა და ადევნების ფაქტებზე ერთი პირი დააკავეს
2026 წლის 22 ნოემბერი საქართველოში გლოვის დღედ გამოცხადდა
  • 12:05
2026 წლის 22 ნოემბერი საქართველოში გლოვის დღედ გამოცხადდა
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
  • 12:00
კონსტანტინოპოლში უფრო ადრე წავა პატრიარქი თუ მოსკოვში, გარემოებებზეა დამოკიდებული - მეუფე ნიკოლოზი
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
  • 11:57
ფონიჭალაში აფეთქების შედეგად დაშავებული 31 წლის კაცის ჯანმრთელობის მდგომარეობა უმძიმესია და მართვით სუნთქვაზე იმყოფება
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
  • 11:55
ფონიჭალაში ნანგრევებიდან ამოყვანილი ორი ბავშვის ჯანმრთელობის მდგომარეობა დამაკმაყოფილებელია
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge