ქალაქ მარიუპოლის დამცველები ამბობენ, რომ ბუჩადან და კიევის ოლქის სხვა ქალქებიდან კადრები შემაძრწუნებელია, თუმცა ოკუპანტების მიერ ალყაში მოქცეულ მარიუპოლში ვითარება გაცილებით უარესია. „საშინელია ეს კადრები, მაგრამ თქვენ ჯერ  მარიუპოლი არ გინახავთ“, - ამის შესახებ უკრაინული მედია „აზოვის“ პოლკის შტანის მეთაურზე ბოგდან კროტევიჩზე დაყრდნობით იუწყება.

“საშინელი კადრებია ირპინიდან, ჰოსტომელიდან, ბუჩადან... ოკუპანტების მიერ ნაწამები, მოკლული მოქალაქეები საერთო საფლავებში, ქუჩებში შეკრული ხელებით.

მაგრამ ჯერ კიდევ უცნობია მარიუპოლის დანაკარგი, რომელიც ამ დროდე ბლოკირებულია რუსული ჯარების მიერ და ყველაფერს არის მოწყვეტილი“, - თქვა „აზოვის“ პოლკის მეთაურმა.

მისივე თქმით, ქალაქში მდგომარეობა კრიტიკულია და 200 ათასამდე ადამიანი მტრის მუდმივი დაბომბვის ქვეშ ნანგრევებში ან ბომბსაფარებში იმყოფება.

„მათ არ აქვთ საკვები, წყალი, ელექტროენერგია. ჩვენ მათი დახმარების შესაძლებლობა არ გაქვს, რადგან სასტიკ ბრძოლებში ვართ ჩართული. ის, რაც ახლა მარიუპოლში ხდება უკრაინის მოსახლეობის გენოციდია“, - აღნიშნა კროტევიჩმა.