ევროპარლამენტარის მოწერა სამი დღით ადრე, რომ იცით რა, ჩვენ შეხვედრა გვინდა და შეგვხვდით, ეს არის მიუღებელი, არაადეკვატური, პირდაპირ გეტყვით - განაცხადა "ქართული ოცნების" დეპუტატმა ირაკლი ზარქუა თბილისში ევროპარლამენტარების ჩაშლილი ვიზიტის შესახებ საუბრისას. მან ევროპარლამენტარებს ურჩია"სხვა საქმით დაკავდნენ".

"მე მესმის, რომ საქართველო არის ულამაზესი, უძველესი ისტორიით, თავისი კულტურით და ტრადიციებით და თუ მათ ნახვა უნდათ, მობრძანდნენ, დავპატიჟებ პირადად, მაგრამ იქ სადა არის ფორმატი, რომელიც ითვალისწინებს გარკვეულ წესებს და პროცედურებს - ჯერ პირველი პირები არ შეთანხმებულან ფორმატზე, რა როგორ და.. ევროპარლამენტარები რომ გამორბიან, დაკავდნენ რამე სხვა საქმით, თუ აქვთ. თუ ვინმემ ამოწურა იქ თავი, ვერ ხედავს თავს და თუ უცხო ქვეყანაში მოგზაურობა უნდა, ეს სხვა ფორმატია და ამისთვის ნუ გამოიყენებენ და ჩრდილს ნუ მიაყენებენ, როგორც ქვეყანას, სახელმწიფოს და ნურც ამ ინსტიტუციას," - თქვა ზარქუა..

ევროპარლამენტარების ცნობით, 21-22 იანვარს თბილისში დაგეგმილი ვიზიტი ვერ შედგა, რადგან პარლამენტის თავმჯდომარე შალვა პაპუაშვილმა ევროპარლამენტარებთან შეხვედრისთვის დრო ვერ გამონახა.