მთავარი ამოცანაა მიხეილ სააკაშვილის გაყვანა ქართული პენიტენციური დაწესებულებიდან, - ამის შესახებ მესამე პრეზიდენტის ადვოკატმა, ნიკა გვარამიამ განაცხადა. მან მიხეილ სააკაშვილი რუსთავის მე-12 ციხეში ცოტა ხნის წინ მოინახულა და აღნიშნა, რომ ძალიან სუსტადაა, არ არის ბოლომდე კომუნიკაბელური და გაბრუებულია.

"ეს მდგომარეობა უნდა დასრულდეს სააკაშვილის ამ პენიტენციური სისტემიდან გაყვანით და ეს მდგომარეობა ასე დასრულდება სწორედ, უფრო ადრე, ვიდრე ეს ხელისუფლება დასრულდება, მაგრამ ამ ხელისუფლების დასასრული რომ ახლოს არის, ეს თვითონაც იციან ძალიან კარგად. ამ წუთში ამ ეტაპზე ამოცანა არის სააკაშვილის გაყვანა ამ დაწესებულებიდან, საერთოდ ქართული პენიტენციური სისტემიდან, იქნება ეს საავადმყოფოს ფორმის პენიტენციური სისტემა, თუ რეალური პენიტენციური დაწესებულება, ეს გაყვანა აუცილებლად განხორციელდება", - თქვა ნიკა გვარამიამ.