მიმდინარე წლის 17 დეკემბერს, საქართველოს ფინანსთა სამინისტროს საგამოძიებო სამსახურში დაიწყო გამოძიება საქართველოს საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის, განსაკუთრებით დიდი ოდენობით გადასახადისათვის თავის არიდებისა და უკანონო შემოსავლის ლეგალიზაციის ფაქტზე.

გამოძიებას საფუძვლად დაედო მასმედიაში გავრცელებული ინფორმაცია, რომლის თანახმადაც, სხვადასხვა კომპანიის მიერ ხდება საბაჟო წესის დარღვევით საქონლის/ტვირთის ტრანსპორტირება, განხორციელებული ფინანსური ოპერაციები სრულად არ აისახება კომპანიების სამეწარმეო საქმიანობასთან დაკავშირებულ დოკუმენტებში, რის შედეგადაც საბაჟო წესების დარღვევის გზით, ადგილი აქვს ბიუჯეტის კუთვნილი გადასახადებისათვის თავის არიდებას, ასევე შემდგომში, სხვადასხვა დანაშაულებრივი გზით, ხდება უკანონო შემოსავლის ლეგალიზაცია.

საქმის ვითარების გასარკვევად საჭირო ფაქტობრივი გარემოებების დადგენის მიზნით ტარდება შესაბამისი საგამოძიებო მოქმედებები.

გამოძიება მიმდინარეობს საქართველოს სისხლის სამართლის კოდექსის 214-ე, 218-ე და 194-ე მუხლებით.ამერიკის შეერთებული შტატების სავაჭრო დეპარტამენტმა, ქვეყნის ეროვნული და საგარეო ინტერესების წინააღმდეგ მოქმედების გამო, 40-მდე კომპანიას სანქციები დაუწესა.

სანქცირებულთა შორის არიან თურქეთში, მალაიზიაში, ჩინეთსა და საქართველოში რეგისტრირებული/მოქმედი კომპანიები.

საქართველოდან ე.წ. შავ სიაში მოხვდა:

Gensis Engineering - საქართველო/თურქეთი

ROV Solutions - საქართველო

SAEROS Safety ERO Company - საქართველო.

როგორც ცნობილი ხდება, აშშ-ის მიერ დაწესებული ზომების მიზანია, შეზღუდოს აშშ-ის პროდუქციის ამ ქვეყნების გავლით ირანის სამხედრო პროგრამებში მოხვედრა.

გავრცელებული ინფორმაციით, საქართველოში რეგისტრირებული კომპანიები არალეგალური გზებით ცდილობდნენ ირანის თავდაცვის ძალებისთვის მიეწოდებინათ ამერიკული წარმოების ტექნიკა.