ლონდონის უზენაესმა სასამართლომ არ დააკმაყოფილა არაბინარული აქტივისტის სარჩელზე, რომელიც აპროტესტებდა ბრიტანეთის ხელისუფლების მიერ გენდერულად ნეიტრალური პასპორტების გაცემის უარყოფას.

კრისტი ილან-კეინი, რომელიც დაბადებით ქალია, იყენებს ნეიტრალურ ნაცვალსახელს - per/perself  და უკვე მეოთხედი საუკუნეა ეწევა კაპმანიას იმ მოქალაქეების უფლებების დასაცავად, რომლებიც თავს არც მამრობით და არც მდედრობით სქესს არ მიაკუთვნებენ.

ილან-კეინის აპელაციაში ნათქვამია, რიმ პასპორტში მამრობითი ან მდედრობითი სქესის მითითება წარმოადგენს ადამიანის უფლებების ევროპული კონვენციის დარღვევას.

სასამართლოს თავმჯდომარემ რობერტ ჯონ რიდიმ განმარტა, რომ გენდერული კუთვნილების მითითება აუცილებელია სხვადასხვა იურიდიული საკითხების გადაწყვეტისთვის, რომელიც უკავშირდება პიროვნების იდენტიფიცირებას.

მისი თქმით, დიდ ბრიტანეთში არ არსებობს კანონმდებლობა, რომელიც აღიარებს ადამიანების გენდერულად ნეიტრალურ კატეგორიას. მისივე თქმით, პირიქით, სხადასხვა კანონი მიიჩნევს, რომ ადამიანები მიეკუთვნებიან ორიდან ერთ რომელიმე სქესს ან გენდერს.

აქტივისტი ფიქრობს, რომ მთავრობა და სასამართლო დგანან ისტორიის არასწორ მხარეს და ამბობს, რომ ადამიანის უფლებების ევროპულ სასამართლოს მიმართავს.

ამჟამად გენდერულად ნეიტრალური პასპორტების მიღების უფლება აქვთ 11 ქვეყანაში, ესენია: ნიდელანდები, არგენტინა, ავსტრალია, კანადა, დანია, ინდოეთი, მალტა, ნეპალი, ახალი ზელანდია და პაკისტანი. აშშ-ში პირველი გენდერულად ნეიტრალური პასპორტი ოქტომბერში გაიცა.