საპარლამენტო უმრავლესობის წევრი სოზარ სუბარი  საერთო სახალხო შერიგების თემას ეხმიანება და ამბობს, რომ პარლამენტში "ნაციონალური მოძრაობის წევრების სკამები ცარეილი რომ არ ყოფილიყო, შესაძლებელი იქნებოდა გარკვეული ტიპის პოლიტიკური დიალოგი ქვეყნისთვის სასიკეთო საქმეებზე.

„ყბადაღებული შერიგების პროცესს ერთი წინადადებით უნდა გამოვეხმაურო. პირდაპირ თქვა „ნაციონალური მოძრაობის“ პარტიის თავმჯდომარემ, ვიდრე სააკაშვილი პატიმარია, სამოქალაქო ერთობასა და შერიგებაზე საუბარი აზრდაკარგულიაო. კაცი პირდაპირ ამბობს თავის სათქმელს და ჩვენ რატომ ვიმტვრევთ თავს? რაზე ვლაპარაკობთ? თუ საუბარია, რომ სააკაშვილი უნდა იყოს გარეთ, 5 წლისა და 10 თვის შემდეგ შეგვიძლია, ვილაპარაკოთ საერთო-სახალხო შერიგებაზე. თუ სხვა ტიპის დიალოგზეა ლაპარაკი, ბუნებრივია, პოლიტიკური დიალოგისთვის აგერ არის პარლამენტი და ეს ცარიელი სკამები რომ შევსებული ყოფილიყო, შეიძლება, გამოგვსვლოდა გარკვეული ტიპის პოლიტიკური დიალოგი ქვეყნის სასიკეთო საქმეებზე“, – აღნიშნა სოზარ სუბარმა.

ენმ-ის თავმჯდომარემ, ნიკა მელიამ მთავარი არხის ეთერში გუშინ განაცხადა, რომ ვიდრე "მიხეილ სააკაშვილი არის ტყვეობაში, საუბარი სამოქალაქო ერთობასა და შერიგებაზე, რბილად რომ ვთქვათ, იქნება უბრალოდ აზრდაკარგული".