ნატო-ს გაფართოების მცდელობას აღმოსავლეთის მიმართულებით,  ალიანსისთვის, შესაძლოა, მძიმე შედეგები მოჰყვეს, - ამის შესახებ რუსეთის საგარეო საქმეთა მინისტრის მოადგილემ სერგეი რიაბკოვმა გაზეთ „იზვესტიასთან“ ინტერვიუში განაცხადა.

 „ნატო-ს შემდგომი გაფართოება არ უნდა  მოხდეს. ჩვენ დავრჩებით ჩვენ აზრზე და თუ ოპონენტები ამის წინააღმდეგ წავლენ, დაინახავენ, რომ მათი უსაფრთხოება არ გაძლიერდება - მათთვის შედეგები იქნება მძიმე“, - განაცხადა რიაბკოვმა.

მან აღნიშნა, რომ საბჭოთა და შემდეგ რუსეთის ხელისუფლების წარმომადგენლებს, მაღალ დონეზე,  არაერთგზის უთხრეს, რომ აღმოსავლეთით ნატო-ს შემდგომი გაფართოება არ მოხდებოდა, მაგრამ დღეს, შეიმჩნევა საპირისპირო სიტუაცია. მისი თქმით, ჩრდილოატლანტიკური ალიანსი არანაირ არგუმენტს ასახელებს აღმოსვლეთით გაფართოების აუცილებლობის შესახებ.

 „არგუმენტები არ არის. უფრო მეტიც, ისინი ცდილობენ უარყონ საკითხის ლეგიტიმურობა იმის შესახებ, თუ რატომ მიემართება ნატო, სადღაც აღმოსავლეთისკენ. ისინი თითქოს პრინციპული მოსაზრებებით უარყოფენ ამ თემაზე მსჯელობის შესაძლებლობას. მაგრამ ეს შეცდომაა, რომელიც შესაძლოა, უკან მიუბრუნდეთ მათივე უსაფრთხოების დასუსტებით“, - განაცხადა რიაბკოვმა.