საფრანგეთის პრეზიდენტმა ემანუელ მაკრონმა კერძო საუბრებში დიდი ბრიტანეთის პრემიერ-მინიტრ ბორის ჯონსონს „კლოუნი“უწოდა“, მის ადმინისტრაციას კი - „ცირკი“. ამის შესახებ The Guardian-ი წერს.

მაკრონმა შეუფერებლად მოიხსენია ჯონსონი ლა-მანშის სრუტეში მომხდარი ტრაგედიის შესახებ სატელეფონო საუბრის შემდეგ. 24 ნოემბერს სრუტეში დაიხრჩო 31 მიგრანტი, რომლებიც ბრიტანეთამდე მიღწევას ცდილობდნენ. მხარეები ერთმანეთს მომხდარში ადანაშაულებენ, და ვერ თანხმდებიან მსგავსი შემთხვევების შემაჩერებელ ღონისძიებებზე.

„სამწუხაროა, რომ უდიდეს ქვეყანას, რომელთანაც შეგვეძლო ბევრი საქმის გაკეთება, ხელმძღვანელობს კლოუნი. Brexit-ი - ეს ჯონსონის ცირკის ამოსავალი წეტილია“, - თქვა მაკრონმა, მას შემდეგ რაც ჯონსონმა Twitter-ზე გამოაქვეყნა წერილი, რომელშიც მან საფრანგეთის პრეზიდენტს მოუწოდა მომავალში მიგრანტებთან დაკავშირებული ტრაგედიების შესაჩერებლად გეგმის ხუთი პუნქტი მიიღოს.

მაკრონს მიაჩნია, რომ ჯონსონი ცდილობს თავი მსხვერპლად წარმოაჩინოს, რთა გაექცეს Brexit-ის კატასტროფულ შედეგებზე ბრალდებას. დიდ ბრიტანეთში საფრანგეთის ყოფილმა ელჩმა სილვი ბერმანმა განაცხადა, რომ ორ ქვეყანას შორის ურთიერთობები „ასეთი ცუდი ვატერლოოს შემდეგ არ ყოფილა“.