რევოლუციურ სცენარებზე გამოძიება კი არ საუბრობს, სააკაშვილი საუბრობდა და საუბრობს დღემდე. ამას რად უნდა პრემიერის ან ჩემი დამტკიცება, თავად ამბობს, რომ უნდა ჩამოვშალოთ და დავამხოთ ხელისუფლებაო, მისი მომხრეები კი ამბობენ, უნდა ავჯანყდეთო, - განაცხადა საპარლამენტო უმრავლესობის წევრმა, გურამ მაჭარაშვილმა.

მისი თქმით, „ნაციონალურ მოძრაობას“ პოლიტიკური დაავადება აქვს და თავისი წევრების ჯანმრთელობა და სიცოცხლე არ აინტერესებს.

"ამას თავადაც არ მალავს და კიევიდან საკუთარ გამოსვლაში არაერთხელ მოუწოდებია მომხრეებისთვის, რომ ბევრი საპროტესტო აქცია, მათ შორის არაკანონიერი უნდა ჩაეტარებინათ. აღარაფერს ვამბობ, რომ მათ სამართალდამცავი ორგანოების საწინააღმდეგო განცხადებები უნდა გაეკეთებინათ. მთავრობამ ძალოვანი უწყებების ჩართულობით სახელმწიფოს ის უბედურება აარიდა, რაზეც დარწმუნებული ვარ, კიდევ უფრო მეტ დეტალს გავიგებთ, თუ რა იგეგმებოდა. „ნაციონალურ მოძრაობას“პოლიტიკური დაავადება აქვს და თავისი წევრების ჯანმრთელობა და სიცოცხლეც კი არ აინტერესებთ. ვიცით, რომ მიმდინარეობს მოკვლევა და გამოძიება იმასთან დაკავშირებით, როგორ შემოვიდა მიხეილ სააკაშვილი ქვეყანაში უკანონოდ, ბევრი დეტალი შეიძლება გახდეს ცნობილი. სწორედ ამას გულისხმობს ირაკლი ღარიბაშვილი, როცა ამბობს, რომ თავის დროზე გახდება ცნობილი, ყველა ის დეტალი, თუ რა ჰქონდა გეგმაში მიხეილ სააკაშვილს როცა შემოვიდა ქვეყანაში. შეიძლება მის მიერ ჩაწერილი ვიდეოები დაგვეხმაროს, თუ რა გეგმები ჰქონდა, როცა საქართველოში შემოდიოდა ისევე, როგორც აქამდე გვეხმარება ეს ვიდეოები. რევოლუციურ სცენარებზე გამოძიება კი არ საუბრობს, სააკაშვილი საუბრობდა და საუბრობს დღემდე. ამას რად უნდა პრემიერის ან ჩემი დამტკიცება, თავად ამბობს, რომ უნდა ჩამოვშალოთ და დავამხოთ ხელისუფლებაო, მისი მომხრეები კი ამბობენ, უნდა ავჯანყდეთო“, – განაცხადა მაჭარაშვილმა.