კიდევ ერთხელ შეგვახსენა, რომ სერიოზული ფსიქოლოგიური და ფსიქიკური პრობლემები აქვს და ასეთ ადამიანს სურდა ძალაუფლების დაბრუნება, აცხადებს „ქართული ოცნების“ თავმჯდომარე საქართველოს მესამე პრეზიდენტზე.

ირაკლი კობახიძის განმარტებით, თვითონ ეს სცენარი თავისთავად შეიძლება, საინტერესო არ იყოს. "საინტერესო არის ის, რომ კიდევ ერთხელ შეგვახსენა ამ კაცმა, რას წარმოადგენს. ერთი, რომ ის არის აბსოლუტურად ფეიკი ყველაფერში – შიმშილობაშიც ფეიკია, გატაცებაშიც, ჩამოსვლაშიც. ყველაფერი არის ე.წ. ფეიკი. გარდა ამისა, კიდევ ერთხელ შეგვახსენა, რომ სერიოზული ფსიქოლოგიური და ფსიქიკური პრობლემები აქვს და ასეთ ადამიანს სურდა ძალაუფლების დაბრუნება, რაც ბუნებრივია, აღიკვეთა და აღიკვეთება ყოველთვის. ხელისუფლება დგას თავის ადგილზე და ასეთ ადამიანებს, ასეთ პოლიტიკურ ძალას, რომელსაც, კიდევ ერთხელ გავიმეორებ, აქვს ფსიქოლოგიისა და ფსიქიკის პრობლემა, არასდროს მიეცემა ხელისუფლებაში დაბრუნების საშუალება“, – განაცხადა ირაკლი კობახიძემ.