კლინიკები დატვირთულია. თბილისში დატვირთვა ყველაზე ნაკლებია. რადგან თბილისში ვაქცინაციის მაღალი მაჩვენებლის გამო შედარებით ნაკლებია ჰოსპიტალიზაციის ციფრებიც, - განაცხადა ჯანდაცვის მინისტრის მოადგილე, თამარ გაბუნიამ.

თუმცა მისი თქმით, ქვეყანაში ეპიდვითარება რთული რჩება.

„ეპიდემიური სიტუაცია საკმაოდ რთული რჩება. გასული 24 საათის განმავლობაში 2 400-ზე ოდნავ მეტი შემთხვევა დაფიქსირდა. სამწუხაროდ, 40-ზე მეტი გარდაცვალებაა. კლინიკები დატვირთულია. თბილისში დატვირთვა ყველაზე ნაკლებია. რადგან თბილისში ვაქცინაციის მაღალი მაჩვენებლის გამო შედარებით ნაკლებია ჰოსპიტალიზაციის ციფრებიც. ასევე საყურადღებოა ვაქცინაციის დაბალი მაჩვენებელი. დღეიდან უკვე დაიწყო ე.წ. ვაქცინაციის მარათონი, რაც ჩვენ საშუალებას მოგვცემს, სოფლებსა და რაიონულ ცენტრებში აქტიურად ჩატარდეს ვაქცინაცია. 50 ლოკაციაა შერჩეული, რომ ვაქცინაციის მარათონი, რომელიც დღეიდან დაიწყო, მომდევნო დღეებში აქტიურად გაგრძელდეს თბილისიდან ჩასულ ბრიგადებთან ერთად“,- განაცხადა გაბუნიამ.