"ნაციონალური მოძრაობის" წევრის და ქუთაისში მერობის კანდიდატის, ხატია დეკანოიძის თქმით, თბილისისკენ მომავალმი ავტოკონისთვის ხელის შეშლის მიზნით, მუნიციპალიტეტის თანამშრომლებს ძალდატანებით ცოცხები დაურიგეს და გზაზე დააყანეს. თუმცა, მისი თქმით, თბილისისკენ მომავალმა კოლონამ სხვა გზა გაიარა.

 "ქუთაისში მუნიციპალიტეტის თანამშრომლებს ძალდატანებით ცოცხები დაურიგეს და დააყენეს გზაზე. მართალია ჩვენ სხვა გზით მივდიოდით, მაგრამ მაინც რა საბრალოა ხელისუფლება 9 წლის შემდეგ მეტი არაფერის კეთება შეუძლიათ.

ქუთაისი განთავისუფლდება ამ უღირსი მიდგომისგან. არავის, არავის აღარ მოუწევს პოლიტიკური დავალებების შესრულება. მერია იმუშავებს ხალხისთვის, ყველასთვის. არავინ დაიჩაგრება უსამართლოდ!", - წერს ხატია დეკანოიძე.

"ნაციონალური მოძრაობის" თბილისისკენ მომავალ მხარდამჭერებს სამტრედიასთან ცოცხებით დახვდნენ.

დეპუტატ ანა წითლიძის ინფორმაციით, სამტრედიასთან ცოცხიანმა ადამიანებმა გზა გადაუკეტეს სამეგრელოდან მომავალ კოლონებს.

წითლიძის ინფორმაციით, ადგილზე საკრებულოს წევრებიც იყვნენ მობილიზებული.

დღეს, თბილისში, თავისუფლების მოედანზე, "ნაციონალური მოძრაობა" ყოფილი პრეზიდენტის მიხეილ სააკაშვილის გათავისუფლების მოთხოვნით აქციას მართავს.