ვიბრძვით თითოეული ადამიანის სიცოცხლის და ჯანმრთელობის გადასარჩენად, - წერს სოციალურ ქსელში აჭარის მთავრობის თავმჯდომარე თორნიკე რიჟვაძე ბათუმში საცხოვრებელი კორპუსის ჩამონგრევის ფაქტთან დაკავშირებით.

როგორც რიჟვაძე აღნიშნავს, სამაშველო ოპერაციის დასრულების შემდეგ დეტალურად დადგინდება ამ შემზარავი ფაქტის გამომწვევი მიზეზები.

"ვიბრძვით თითოეული ადამიანის სიცოცხლის და ჯანმრთელობის გადასარჩენად.
ბათუმში კორპუსის ჩამონგრევის ფაქტთან დაკავშირებით აქტიურად მიმდინარეობს სამაშველო ოპერაცია, ჩართულია ცენტრალური და ადგილობრივი ხელისუფლების ყველა შესაბამისი სამსახური.
მას შემდეგ რაც დასრულდება სამაშველო ოპერაცია, დეტალურად დადგინდება ამ შემზარავი ფაქტის გამომწვევი მიზეზები", - წერს რიჟვაძე.

ბათუმში, 7-სართულიანი საცხოვრებელი კორპუსი დღეს, დილით ჩამოინგრა. წლინახევრის ბავშვი, რომელიც ნანგრევებში მოყოლილ ავტომობილში იმყოფებოდა, მანქანიდან უვნებლად გამოიყვანეს. ამ დროისათვის ნანგრევებში დაახლოებით 8 ადამიანს ეძებენ.