პარიზის სასამართლომ საფრანგეთის ყოფილ პრეზიდენტს ნიკოლა სარკოზის 2012 წლის საპრეზიდენტო არჩევნების უკანონო დაფინანსებისთვის ერთი წლით პატიმრობა მიესაჯა.

განაჩენის მიხედვით ირკვევა, რომ სარკოზიმ იცოდა კანონით დადგენილი ხარჯების შესახებ, ამასთან, მას აფრთხილებდნენ შესაძლო გადამეტებასთან დაკავშირებით. ამის მიუხედავად, ის წინასაარჩევნო მიტინგებს მაინც აგრძელებდა. თავად ნიკოლა სარკოზი აცხადებს, რომ 2012 წლის საპრეზიდენტო არჩევნების პერიოდში, არ მონაწილეობდა არც მისი კამპანიის ლოჯისტიკაში და არც ფინანსების ხარჯვაში.

განაჩენის გამოცხადებას ყოფილი პრეზიდენტი არ ესწრებოდა. მის უფლებებს სასამართლოზე ადვოკატი ტიერი ჰერცოგი წარმოადგენდა ადვოკატის ტიერი ერზოგის თქმით, სასამართლოს გადაწყვეტილება გასაჩივრდება.

პროკურატურის მტკიცებით, ნიკოლა სარკოზის კონსერვატიულმა პარტიამ საარჩევნო კამპანიისთვის 22.5 მილიონი ევრო დახარჯა, რაც საარჩევნო კანონმდებლობით, დაშვებულს ორჯერ აღემატება.

ბრალდების მტკიცებით, სარკოზის საარჩევნო შტაბი იყენებდა ყალბ ანგარიშებს PR-სააგენტოს მიერ ორგანიზებული შეხვედრებისთვის, რათა დაემალა დაფინანსების გადაჭარბება.

სარკოზი სასჯელს სახლში, ელექტრონული მეთვალყურეობის ქვეშ მოიხდის.