"სააკაშვილის ჩამოსვლასთან დაკავშირებით ვენიძლავები 100 მილიონ ქართულ დოლარზე, „გირჩის" ვალუტაზე ნებისმიერ ჩემს კოლეგას, აცხადებს "გირჩის" ერთ-ერთი ლიდერი იაგო ხვიჩია. მისი განმარტებთ მიხეილ სააკაშვილი შეიძლება ჩამოვიდეს კიდეც, მაგრამ რისკის ნაწილია.

"თქვენ იცით, რომ "პორშეს" ვათამაშებთ, ასევე დაპირება გვაქვს, რომ სააკაშვილი თუ ჩამოვა, "პორშეთი" მივიყვანთ საჭირო ადგილზე. „პორშეს" გათამაშებაში გამარჯვებულს ერთადერთ ვალდებულებას რასაც ვუდებთ, იქნება ის, რომ თუ სააკაშვილი ჩამოვა, ერთი დღით გვათხოვოს, რომ სააკაშვილს მოვემსახუროთ. სააკაშვილს ყველასგან სხვადასხვა რამ ელის, ზოგისგან ჩახუტება, ზოგისგან „პორშეთი" გასეირნება, ზოგისგან არცთუ სასიამოვნო რაღაცები და „ქართული ოცნება" რას იზამს, ვნახოთ", - განაცხადა ხვიჩიამ.