ნიგერიაში შეიარაღებულ თავდასხმას 30 ადამიანი ემსხვერპლა
სულ მცირე 30 ადამიანი დაიღუპა ნიგერიის ორ სოფელზე შეიარაღებული თავდასხმის შედეგად. შემთხვევა კადუნის შტატში მოხდა.
ადგილობრივი მედიის ცნობით, დაღუპულთა შორის ბევრი ქალი და ბავშვია.
კათოლიკე მღვდელმა მაიკლ მაგაჯიმ მედიას უთხრა, რომ თავდამსხმელებმა საცხოვრებელი სახლების უმეტესობა გადაწვეს და მიწასთან გაასწორეს. დაჭრილები საავადმყოფოებში გადაიყვანეს.
