"ერთიანი ნაციონალური მოძრაობის" თავმჯდომარემ, მერობის კანდიდატმა ნიკა მელიამ ევროკავშირის ოფისი დატოვა. მან მედიასთან მოკლე კომენტარი გააკეთა და თქვა, 21:00 საათზე ბრიფინგს გამართავს და ყველაფერზე დეტალურად ისაუბრებს.

"გარწმუნებთ, ყველამ კარგად დაინახა, განსაკუთრებით ჩვენმა პარტნიორმა ელჩებმა, თუ რა ხელისუფლებასთან გვაქვს საქმე. მათი თხოვნა იყო, რომ ჩვენ ვყოფილიყავით ფხიზლად და არ წამოვგებოდით პროვოკაციას, რომელსაც აქ აწყობდა რეჟიმი. რეჟიმი, რომელიც ადამიანებზე ყოველდღიურად ძალადობს. ამაზე ნათლად, ქართული ოცნება, რომც მოენდომებინა, საკუთარ თავს ვერ წარმოაჩენდა, მთელი საზოგადოების წინაშე",-თქვა ნიკა მელიამ.

დღეს, 23 სექტემბერს ევროკავშირის წარმომადგენლობის ოფისთან მელია და კობახიძე ერთმანეთს სიტყვიერად დაუპირისპირდნენ.  მელიამ კობახიძეს "ივანიშვილის მონა, უნამუსო" უწოდა, კობახიძემ კი მელიას - "ნაბიჭვარი".