ესპანეთის კუნძულ ლა პალმაზე, რომელიც ატლანტის ოკეანეში კანარის არქიპელაგის შემადგენლობაში შედის, ვულკანი კუმბრე-ვიეხა ამოიფრქვა. ადგილობრივი ხელისუფლება იძულებული გახდა 5 ათასი ადამიანის ევაკუაცია მოეხდინა.

კანარის კუნძულების პრეზიდენტ ანხელ ვიქტორ ტორესის თქმით, ამოფრქვევის ზონა დაფარულია ტყეებით და ნაკლებად დასახლებულია. მისი თქმით, მსხვერპლი არ არის.

ესპანეთის პრემიერ მინისტრმა პედრო სანჩესმა შექმნილი სიტუაციის გამო ნიუ იორკში ვიზიტი გადადო და კუნძულზე ჩავიდა.

ვუკლკანის ამოფრქვევამდე კუნძულზე, სადაც 85 ათასამდე ადამიანი ცხოვრობს, აღინიშნებოდა სეისმური აქტივობები.

კუნძულზე ვულკანი ტენეგია 1971 წელს ამოიფრქვა.