თქვენ ხართ ჩვეულებრივ "ნაციონალური მოძრაობის" ტელევიზია, "რეალ ტვ". იგივე სტილში მუშაობთ, ფალსიფიკაცია, გაყალბება, ფაბრიკაცია არის თქვენი ხელწერა, - თქვა პრემიერ მინისტრმა ირაკლი ღარიბაშვილმა ჟურნალისტის შეკითხვის საპასუხოდ, რომელიც ამოქვეყნებულ ფარულ ჩანაწერებს უკავშირდებოდა.

  "თქვენ ხართ რეალ ტვ ჩვეულებრივი, ისეთი როგორიც იყო 2012 წელს ვანო მერაბიშვილის ტელევიზია,  დღეს რა თქმა უნდა, თქვენი მმართველი არის სააკაშვილი, ხაზარაძე და წერეთელი, მაგრამ თქვენ ხართ ჩვეულებრივ "ნაციონალური მოძრაობის" ტელევიზია, "რეალ ტვ". იგივე სტილში მუშაობთ, ფალსიფიკაცია, გაყალბება, ფაბრიკაცია არის თქვენი ხელწერა. რისი ჩვენება უნდათ მოსახლეობისთვის, რომ პარტიის დამფუძნებელს ბიძინა ივანიშვილს კონტაქტი ჰქონდა და ცდილობდა რუსეთის ელჩთან კონტაქტს? ეს არის შეურაცხყოფა მოსახლეობის, მოსახლეობა კარგად არჩევს ტყუილს და მართალს, თეთრს და შავს", - თქვა ღარიბაშვილმა.

ის ასევე გამოეხმაურა ტვ პირველის ცენტრალური სერვერის გათიშვას და ხელისუფლების დადანაშაუელებას სისულელე უწოდა.

"დღეს მორიგი რაღაცა სისულელე მოიფიქრეს, თითქოს ჩვენ განვახორციელეთ შეტევა მაგათ სერვერებზე.

ვის რაში სჭირდება თქვენი სერვერები საერთოდ, აქედან რომ დავიწყოთ", - თქვა ღარიბაშვილმა.