ათასობით ავღანელი ქაბულის აეროპორტიდან ევაკუაციის შეწყვეტის შემდეგ ქვეყნის დატოვებას სახმელეთო გზით ცდილობს. პაკისტანისა და ირანის საზღვრებთან, საკონტროლო პუნქტებთან უამრავი ადამიანია თავმოყრილი. იუწყება ტელეარხი Sky news-ი.

პაკისტანის ხლისუფლების განცხადებით, ტორკჰამის სასაზღვრო საკონტროლი პუნქტთან ადამიანთა დიდი როდენობა ავღანეთის მხრიდან საზღვრის გახსნას ელოდება.

თვითმხილველთა თქმით, დიდი რაოდენობით ავღანელია შეკრებილი ირანის საზღვართან ისლამ-ყალას საკონტროლო პუნქტთანაც.

საჰაერო გზით ავღანეთი 123 ათასმა ადამიანმა დატოვა. თუმცა ათი ათასობით ავღანელი, რომელთა სიცოცხლესაც  „თალიბანის“ მიერ ხელისუფლების ხელში ჩაგდების შემდეგ საფრთხე ემუქრებათ, ქვეყნიდან გასვლა ვერ შეძლო.