ქაბულის აეროპორტს ხუთი რაკეტა ესროლეს. ინფორმაცია CNN-ს ერთ-ერთმა ამერიკელმა მაღალჩინოსანმა დაუდასტურა.

მისი განცხადებით, იერიში ამერიკულმა რაკეტსაწინააღმდეგო თავდაცვის სისტემამ მოიგერია. მსხვერპლის შესახებ ინფორმაცია არ ვრცელდება.

მაღალჩინოსნის თქმით, იერიში „ისლამური სახელმწიფოს“ ავღანურმა დაჯგუფება „ჰორასანმა“ განახორციელა, რომელმაც ქაბულის აეროპორტთან 27 აგვისტოს მომხდარ აფეთქებაზე აიღო პასუხისმგებლობა. აფეთქებას 175 ადამიანი, მათ შორის 13 ამერიკელი სამედრო ემსხვერპლა.

28 აგვისტოს აშშ-ის პრეიდენტმა ჯო ბაიდენმა განაცხადა, რომ ქაბულის აეროპორტის რაიონში უახლეოს 24-36 საათში მოსალოდნელი იქნებოდა ახალი ტერაქტები. გუშინ აშშ-ის უპილოტო საფრენმა აპარატმა ქაბულის აეროპორტთან „ისლამური სახელმწიფოს“ სავარაუდო თვთითმკვლელი ტერორისტის ავტომობილი გაანადგურა.

როგორც მედია იუწყება, აშშ-ის ხელისუფლების ინფორმაციით, ავტომობილში მყოფი პირები ქაბულის აეროპორტში აფეთქებას გეგმავდნენ.