მოქალაქეებს ვაქცინაციის ცენტრებთან მისასვლელად სპეციალური ტრანსპორტი მოემსახურება, - ამის შესახებ საკოორდინაციო საბჭოს დასრულების შემდეგ, დაავადებათა კონტროლის ცენტრის დირექტორმა, ამირან გამყრელიძემ განაცხადა.

აღნიშნული მომსახურების საჭიროება მას შემდეგ დადგა, რაც საკოორდინაციო საბჭოს გადაწყვეტილებით, 14 აგვისტოდამ 4 სექტემბრამდე საქართველოს მასშტაბით მუნიციპალური ტრანსპორტის მოძრაობა შეიზღუდა.

"რესპუბლიკური საავადმყოფოსკენ, ქალაქის სხვადასხვა კუთხეებიდან, ამაზე მუშაობს საკოორდინაციო შტაბი, დაინიშნება სპეციალური ავტობუსები ვაქცინაციისთვის. ასევე დაინიშნება ტექნიკური უნივერსიტეტისკენ. ინფექციური საავადმყოფოს ტერიტორიაზე საკმაოდ დიდი რაოდენობით აცრები წარმოებს, ინფექციურის, ბოჭორიშვილის საავადმყოფოს მიერ, ასევე იქნება იქ. ასევე იქნება ჰუალინგის ცენტრი, რომლიც 1 700 აცრას აწარმოებს დღის განმავლობაში. ასევე იქნება კავკასიის მედიცინის ცენტრისა და ბოკერიას კლინიკებისკენ. ჩვენ გადავეცით შტაბს სია ლოკაციების, სადაც თბილისში, ქუთაისში, ბათუმში, რუსთავში არის მთავარი ლოკაციები, ხოლო იქ, სადაც პოლიკლინიკები არის ძალიან ახლოს, ფეხითაც შეგიძლიათ მიბრძანდეთ", - განაცხადა გამყრელიძემ.