საქართველოს პრემიერ-მინისტრი ირაკლი ღარიბაშვილი ოპერატორ ლექსო ლაშქარავს გარდაცვალების გამო ოჯახს და ახლობლებს უსამძიმრებს.

როგორც ღარიბაშვილი წერს, შინაგან საქმეთა სამინისტრომ უკვე დაიწყო გამოძიება და საზოგადოებას ამ ფაქტთან დაკავშირებით უმოკლეს ვადებში მიეწოდება სრულყოფილი ინფორმაცია.

„უდიდეს გულისტკივილს გამოვხატავ ლექსო ლაშქარავას გარდაცვალების გამო. ეს არის წარმოუდგენელი ტრაგედია. ამ მძიმე წუთებში თანადგომას ვუცხადებ ოჯახს, ახლობლებს, „ტვ პირველის“ კოლექტივს და მთელ მედია საზოგადოებას.

შინაგან საქმეთა სამინისტრომ უკვე დაიწყო გამოძიება და საზოგადოებას უმოკლეს ვადებში მიეწოდება სრულყოფილი ინფორმაცია“, – წერს ირაკლი ღარიბაშვილი.