ამნისტია პირველ რიგში არ უნდა გავრცელდეს გიორგი გახარიაზე, რადგან მას ეს ამნისტია არ სჭირდება, დანარჩენი, ბუნებრივია მხარეებს შორის არის შეთანხმების საგანი, - ამის შესახებ დამოუკიდებელმა დეპუტატმა, გახარიას გუბდის წევრმა, ანა ბუჩუკურმა განაცხადა.

მისივე თქმით, გასაგებია, რომ უმრავესლობა ნერვიულობს და მათ სიმვიდისკენ მოუწოდა.

„კარგად გახსოვთ, რომ გიორგი გახარიას კრიტიკულ კითხვებზე პასუხების გაცემის კომპლექსი არ ჰქონდა. იმისათვის, რომ ყოველგვარი სპეკულაცია გამოირიცხოს, ეს ინიციატივა დავაყენეთ. ნახეთ, რომ ჩემმა ინიციატივამ უმრავლესობაში კრიტიკა დაიმსახურა, მაგრამ მათ სიმშვიდისკენ მოვუწოდებ“, – განაცხადა ანა ბუჩუკურმა და აღნიშნა, რომ გიორგი გახარიამ არაერთხელ გასცა კითხვებს პასუხები. ის ყველა კითხვას, რაც შეიძლება იყოს, უპასუხებს.

„სამწუხაროდ, დღეს წარმოდგენილია ორი სხვადასხვა პროექტი. ორივე მხარეს კონსენსუსი შევთავაზეთ, რათა შარლ მიშელის დოკუმენტი კეთილსინდისიერად შესრულებულად ჩაითვალოს, უმრავლესობამ გაიზიაროს ოპოზიციის პოზიცია და არ გაავრცელოს ამნისტია სახელმწიფო თანამდებობის პირებზე, ანუ, იმ პირებზე, რომელთაც ეს თანამდებობა ეკავათ 19-20 ივნისს. ამის სანაცვლოდ ოპოზიციამ დათმოს და ამნისტია გავრცელდეს ყველა პოლიციელზე, ყოველგვარი მოთხოვნის და წინაპირობების გარეშე. ეს იქნება გზა, რომ მოხდეს შეთანხმება და რეალურად შესრულდეს შარლ მიშელის დოკუმენტი. სხვა შემთხვევაში, ვერავინ დაიბრალებს, რომ ეს შეთანხმება კეთილსინდისიერად შეასრულა.

უმრავლესობის გაღიზიანება მესმის, რითაც ბოლო პერიოდში გამოირჩევა უმრავლესობა გახარიას მიმართ. მათ სიმშვიდისკენ მოვუწოდებდი. გასაგებია, რომ ნერვიულობენ, მაგრამ სიმშვიდისკენ მოვუწოდებ“, - თქვა ბუჩუკურმა.