ლიბანიდან ისრაელის მიმართულებით სამი რაკეტა ისროლეს. ისრაელის თავდაცვის ძალების ცნობით, 3 რაკეტა, რომელიც ლიბანიდან შემოვიდა, დაუსახლებელი ტერიტორიის მიმართულებით წავიდა და ახლოს მდებარე ქალაქებში განგაშის სიგნალი არ ჩართულა.
მედიის ინფორმაციით, „გრადის“ ტიპის რაკეტები პალესტინელი დევნილების დასახლებიდან გაისროლეს.

ბოლო რამდენიმე დღეში ღაზას სექტორიდან ისრაელის მიმართულებით 1600 რაკეტა ისროლეს. რაკეტების უმეტესობა ჰაერში ისრაელის საზენიტო სისტემა "რკინის გუმბათმა" გაანეიტრალა.

ღაზას სექტორის მოსაზღვრე რაიონებში სიტუაცია ორშაბათს, 10 მაისიდან გამწვავდა, პალესტინის დაჯგუფებებმა ისრაელის მიმართულებით ღაზადან 1600-მდე რაკეტა ისროლეს, რომელთა უმეტესობა ისრაელის ანტისარაკეტო სისტემა „რკინის გუმბათმა“ გაანეიტრალა. ესკალაციის დაწყებიდან ისრაელის საპასუხი საჰაერო იერიშების შედეგად დაიღუპა 100-ე მეტი პალესტინელი. ამასთან, დაღუპულია ისრაელის 6 მშვიდობიანი მოქალაქე და ერთი სამხედრო. ისრაელის განცხადებით, მისმა თავდაცვის ძალებმა ღაზას სექტროში ჰამასისა და ისლამური ჯიჰადის 600 სამიზნე გაანადგურა.