საფრანგეთის საგარეო საქმეთა მინისტრი ჟან-ივ ლე დრიანი  მოსკოვს მოუწოდებს განმარტოს უკრაინის აღმოსავლეთ საზღვართან და ყირიმში რუსეთის შეიარაღებული ძალების გადაადგილების მოტივები.

 უკრაინაში არსებული ვითარების შესახებ ლე დრიანი ტელეფონით ესაუბრა უკრაინის საგარეო საქმეთა მინისტრ დმიტრი კულებას, აშშ-ის სახელმწიფო მდივან ენტონი ბლინკენსა და გერმანიის საგარეო საქმეთა მინისტრ ჰაიკო მაასს.

„ამ მოლაპარაკებების კონტექსტში აღვნიშნე საფრანგეთის ღრმა შეშფოთება და დიდი სიფრთხილე უკრაინის აღმოსავლეთ საზღვართან და ყირიმში რუსეთის შეიარაღებული ძალების გადაადგილების შესახებ. საფრანგეთს მიაჩნია, რომ რუსეთმა სასწრაფოდ, ეუთოს მიერ გათვალისწინებული მექანიზმებით, გამჭვირვალედ განმარტოს ამ გადაადგილების მოტივები. მოვუწოდებთ რუსეთს, შეწყვიტოს პროვოკაციები და დეესკალაციის მისაღწევად  დაუყოვნებლივ მიიღოს ზომები“, - აღნიშნულია კომუნიკეში, რომელიც საფრანგეთის საგარეო საქმეთა სამინისტროს პრეს-სამსახურმა გაავრცელა.